Ársrit Ræktunarfélags Norðurlands - 01.01.1983, Side 44

Heykögglunarverksmiðja Slefáns Þórðarsonar tilbúin til vinnslu að Hranastöðum í
Hrafnagilshreppi. (Ljósm. B.E.G.).
hann stærri kögglapressu frá Gunnarsholti og byggir öfluga
heykögglunarsamstæðu á vörubílspall og naut til þess stuðn-
ings margra eyfirskra bænda, bæði í orði og verki, á þann hátt
að þeir auðvelduðu honum fjárfestingar og annan stofn-
kostnað með því að greiða kögglun fyrirfram.
Eftir allmikla baráttu og eftirgangssemi fékkst nokkurt lán
úr opinberum sjóðum til þess að byggja samstæðuna og þróa
aðferðina eða samtals um 400 þúsund úr Framleiðnisjóði
landbúnaðarins, Iðnrekstrarsjóði og Byggðasjóði ásamt um
150 þúsund frá eyfirskum bændum.
Starfsræksla Stefáns með þessa færanlegu samstæðu hófst
ekki fyrir alvöru fyrr en um áramótin 1981-82. Má þó segja að
Stefán hafi verið og sé enn í dag að gera á henni ýmsar
breytingar til bóta, og má nefna sem dæmi að afköstin hafa
aukist verulega eða frá þetta 7-800 kg og upp í 12-1500 kg á
klukkustund. Auk þess hefur Stefán komið skammtara fyrir í
blöndun á öðru fóðri saman við heymjölið í kögglana, t.d.
fiskimjöli, kjötbeinamjöli og maís, og nú er hann að vinna að
því að koma gufutækjum við kögglarann til þess að auðvelda
kögglun, bæta hana og gera hana öruggari.
46