Ársrit Ræktunarfélags Norðurlands - 01.01.1983, Side 52

Hið opinbera.
Stjórnvöld hafa sýnt „heykögglamönnum“ nokkurn velvilja
með niðurfellingu tolla og sölugjalda af innfluttum vélum og
tækjum. Einnig hefur Framleiðnisjóður landbúnaðarins veitt
lán og framlög til þriggja aðila sem fást við heykögglun.
Ljóst er að þeir aðilar sem hingað til hafa fengist við mölun
og kögglun heys hafa lagt út í þetta ævintýri af hugsjón og
bjargfastri trú á að verið sé að ryðja framförum braut. Vissu-
lega er ruðst inn á verksvið tilrauna- og rannsóknarstofnana
landbúnaðarins, enda ekki teikn á lofti um frumkvæði úr
þeirri átt. Rannsóknarstofnun landbúnaðarins hefur þó lítil-
lega „litið á“ heyköggla, en lítið fer fyrir alvöru tilraunum.
Vonandi stendur þetta til bóta, og þarft væri að samstarf um
áframhaldandi þróun vélbúnaðar og vinnsluaðferða komist á
við Rala. Einnig er þörf á verulegum rannsóknum á hvernig
heppilegast sé að nota heyköggla til fóðrunar.
Framtiðin.
Framleiðsla heyköggla er ennþá á tilraunastigi. Vert er því að
velta fyrir sér hvaða forsendur séu fyrir þróun þessarar fram-
leiðslugreinar.
Samdráttur mjólkur- og kindakjötsframleiðslu nemur nú
15-20% s.l. 5 ár. Flest bendir til að enn þurfi að minnka
framleiðslu kindakjötsins. Efling nýrra búgreina hefur ekki
haldist i hendur við samdráttinn. Kemur margt til t.d. óða-
verðbólga, ónógur fjárhagsstuðningur, skortur á almennri
þekkingu og verklegri reynslu o.fl. Þá virðist hafa gleymst hjá
sumum reiknimeisturum að fjölskylda bóndans þarf líka að
borða. Bændum er ekki eiginlegt að reka samdráttarbúskap í
lengri tíma, enda þolir búreksturinn ekki kyrrstöðu.
Alhliða átak í föðuröflun er hægt að gera hjá hverjum
bónda án þess að því þurfi að fylgja framleiðsluaukning af
mjólk eða kjöti. Slíkt átak er þjóðhagslega hagkvæmt og eflir
hefðbundinn búrekstur. Bændur hafa þegar framleiðslutækin
undir höndum, þekkingu og reynslu, en betri árangri þarf að
ná.
54