Ársrit Ræktunarfélags Norðurlands - 01.01.1983, Side 59

Á stofnfundi hlutafélagsins 7. júlí sl. hlaut félagið nafnið
Saltvík h/f. f stjórn voru kosnir þeir: Brynjólfur Sigurðsson,
Reykjavík, form., Stefán Skaftason, Straumnesi, varaform.,
Gunnlaugur Classen, Reykjavík, ritari, Bjarni Guðmundsson,
Hvanneyri og Vigfús B. Jónsson, Laxamýri. Nú er unnið að
endurskoðun á öllum þeim þáttum, sem til greina koma i
rekstri fyrirtækisins, og munu endanlegar ákvarðanir um
framkvæmdir verða teknar á vori komanda.
Árlega eru flutt til landsins um og yfir 60.000 tonn af
fóðurbæti að verðmæti um 620 millj. kr. Hægt væri að nýta
innlend hráefni í staðinn fyrir a.m.k. helming þess fóðurs, sem
inn er flutt. Gjaldeyrissparnaður af þessu yrði mikill. Það er
uppbyggingu innlends fóðuriðnaðar mikið hagsmunamál að
af þessu geti orðið sem allra fyrst. Stærstu kostirnir við fram-
leiðslu á innlendum fóðurblöndum og fóðri eru eftirfarandi:
— nýtir innlenda orku
— nýtir innlend hráefni
— auðveldar gæðaeftirlit
— skapar mikið öryggi við fóðuröflun
— tryggir nýrri og ferskari fóðurblöndur
— sparar gjaldeyri
— veitir atvinnu
— eflir innlenda þekkingu
— skapar markað fyrir hráefni, sem fleygt er í miklum
mæli í dag.
Uppbygging innlends fóðuriðnaðar er framtíðarmál fyrir
íslenzkan landbúnað. Sú uppbygging þolir enga bið.
61