Ársrit Ræktunarfélags Norðurlands - 01.01.1983, Síða 63

að koma upp húsum. Birgðaskemma var reist fyrst, hún er að
stærð 20x70 m, snýr austur-vestur, vegghæð 4,8 m, rishæð 4,7
m, veggir steyptir í 2,4 m hæð en stálgrind fest í gólf innan við
veggina, klætt með galvaniseruðu bárujárni, plastgluggar í
þaki, gólf vélslípað. Þrennar bilgengar dyr eru á skemmunni.
Síðan var byrjað á vélahúsinu. Það er 12x30 m, heldur lægra
en skemman og stendur við vesturenda hennar, byggt með
líku sniði. Tókst að loka því um haustið 1982 en frágangur við
gólf varð eftir, var þó unnið fram í desember. Vélasalurinn og
annað fyrirkomulag er heldur rýmra en algengast er, með það
fyrir augum að hægt sé að koma fyrir svonefndum forþurrk-
ara ef æskilegt þykir síðar. Með honum er pressaður hluti af
vatninu úr grasinu og sparast á þann hátt nokkuð af olíu.
Þetta er talsvert dýr búnaður og þótti rétt að bíða með hann í
bili og sjá hvort hin þurru norðlensku sumur geti ekki komið
þar í staðinn að hluta.
Akveðið hafði verið af stjórn félagsins að kaupa í upphafi
svartolíukynta verksmiðju, eftir að athugað hafði verið um
aðra orkugjafa. Hægt er að þurrka með heitu vatni í svoköll-
uðum færibandaþurrkurum (eins og Þörungavinnslan á
Reykhólum) og einnig er hægt að nota roforku, þá til að hita
fyrst upp vatn. Ýmsir tækniörðugleikar voru þá fyrir hendi og
ekki fullnægjandi reynsla með íslenskt gras sem hráefni fyrir
þurrkara, en til viðbótar var áætlað að slíkar verksmiðjur yrðu
allt að 30% dýrari en olíukyntar. Síðari hluta ágúst 1982
fórum við Árni Jónsson til Suður-Þýskalands og Sviss að
skoða grasköggla- og þurrkunarverksmiðjur og gerðum
samning um kaup á olíukyntri verksmiðju frá Swiss Combi.
Náðust þar nokkuð góðir samningar og lánakjör.
Eins og áður segir var unnið fram undir jól 1982 við bygg-
ingar og jarðvinnslu. í ágúst var sáð vallarfoxgrasi í 145 ha en
svipuð spilda undirbúin til sáningar. I febrúar 1983 var svo
byrjað að vinna á ný og þá að ganga frá gólfi vélahússins. í því
eru tvær stórar gryfjur, önnur fyrir innmokstur á mötunar-
bandið en hin fyrir mölunar- og kælikerfi, eru þær um 2 m á
dýpt og var mikið verk að ganga frá þeim. Þá var jafnframt
unnið að endurbótum á íbúðarhúsinu í Lauftúni, þar er
5
65