Ársrit Ræktunarfélags Norðurlands - 01.01.1983, Qupperneq 132

Frá Búnaðarsambandi N.-Þing.:
Jóhann Helgason,
Sigurður Arnason.
Ævifélagadeildin Akureyri:
Björn Þórðarson,
Þorsteinn Davíðsson.
Stjórnarmenn Ræktunarfélags Norðurlands:
Helgi Jónasson,
Ævarr Hjartarson.
Auk framantaldra fulltrúa sátu fundinn eftirtaldir: Þórarinn Lárus-
son, Hjörtur Þórarinsson, Sigríður Hafstað, Jóhannes Sigvaldason,
Þórður Sigurjónsson, Kristján Gunnþórsson, Álfhildur Ólafsdóttir,
Guðmundur Helgi Gunnarsson, Jón Sigurðsson, Jón Hlynur Sigurðs-
son, Ólafur Vagnsson, Einar E. Gíslason, Jóhannes Torfason, Guð-
bjartur Guðmundsson, Þórarinn Sólmundarson, Stefán Skaftason og
Guðmundur Steindórsson.
3. Skýrslur starfsmanna og reikningar. Þórarinn Lárusson flutti starfs-
skýrslu sína og einnig skýrslu Bjarna E. Guðleifssonar, en sá síðarnefndi
er nú i þriggja mánaða leyfi við nám og störf í Vestur-Þýskalandi.
Bæði starfsskýrslurnar og reikningar lágu frammi fjölrituð og verða
birtar sérstaklega i Ársriti Ræktunarfélags Norðurlands. Þórarinn
Lárusson las reikninga félagsins. Niðurstöðutölur rekstrarreiknings
Ræktunarfélags Norðurlands fyrir árið 1982 voru 1.214.254 kr. og
rekstrarhagnaður ársins 35.687 kr. Niðurstöðutölur efnahagsreiknings
269.284 kr. Eigið fé 114.535 kr.
Einnig voru lagðir fram reikningar Styrktarsjóðs Ræktunarfélags
Norðurlands og Útgáfu Berghlaups.
Einar E. Gíslason gerði grein fyrir störfum heimaöflunarnefndar, en
sú nefnd er starfandi á vegum Ræktunarfélags Norðurlands. Nafn
nefndarinnar segir til um starfssvið hennar. Auk Einars eru í nefnd
þessari Ragnar Jónsson og Aðalbjörn Benediktsson. Á s.l. ári beindust
störf nefndarinnar einkum að eflingu heimilisgarðræktar og í því sam-
bandi notkun plastgróðurhúsa. Hefir nefndin aflað sér ýmissa upplýs-
inga varðandi þessi mál og hyggst ennþá vinna að því á næstunni.
Einnig eru hugmyndir um garðyrkjunámskeið.
Jóhannes Sigvaldason, tilraunastjóri á Möðruvöllum, sagði frá starf-
inu á Möðruvöllum. Sagði hann frá þeim breytingum sem orðið hafa á
rekstri tilraunastöðvarinnar, þ.e. að Ræktunarfélag Norðurlands hefur
tekið við honum samkvæmt sérstökum samningi við RALA. Einnig að
sérstök stjórn hafi verið sett yfir Tilraunastöðina. Þá hafa orðið skipti á
tilraunastjórum, þ.e. að Jón Árnason lét af störfum s.l. haust, Þórður
Sigurjónsson gengdi síðan stöðunni þar til nú í sumar að Jóhannes tók
við. Jóhannes greindi frá þeim framkvæmdum sem fram fara á
134