Árbók Landsbókasafns Íslands - 01.01.1971, Qupperneq 11

LAN DSBÓKASAFNIÐ 1970
11
SÝNINGAR Þessar sýningar voru haldnar á árinu: Sýnishorn úr safnauka
handritadeildar frá síðustu missirum. Sýning 13. apríl-13. maí.
Grímur Thomsen skáld 150 ára afmæli (15.5. 1970). Sýning 15. maí-15. júní.
Sýning í tilefni af listahátíð í Reykjavík á bókum og handritum íslenzkra skálda
frá Magnúsi prúða til Steins Steinars. Sýningin stóð í Árnagarði 20. júní-1. júlí.
Hinn 18. september var hluti þessarar sýningar settur upp að nýju í anddyri Safna-
húss í tilefni af heimsókn þátttakenda á landsfundi bókavarða. Sýningin stóð til jóla,
og sóttu hana m. a. margir nemendur Menntaskólans í Reykjavík.
SAMSKRA Á árinu komu út á vegum Landsbókasafns fyrstu tvö hefti Sam-
skrár um erlendan ritauka íslenzkra rannsóknarbókasafna. Var
Áslaug Ottesen ráðin að safninu snemma á árinu gagngert til að annast um skrána,
en Ólafur Pálmason bókavörður hefur einkum lagt á ráðin um tilhögun hennar. Að
skránni eiga hlut auk Landsbókasafns og Háskólabókasafns sex rannsóknarbókasöfn,
og er þess að vænta, að enn fleiri söfn leggi smám saman til efni í skrána. Frá Sam-
skránni segir nánara í erindi því um íslenzk rannsóknarbókasöfn, sem birt er á öðr-
um stað í þessari Árbók (sjá 134.-35. bls.).
ÞJÓÐARBÓKHLAÐA Hinn 15. júlí 1970 skipaði Gylfi Þ. Gíslason menntamálaráðherra
byggingarnefnd Þjóðarbóklilöðu, og eiga sæti í henni Magnús
Már Lárusson háskólareklor, Hörður Bjarnason húsameistari ríkisins og Finnbogi
Guðmundsson landsbókavörður, en hann er formaður nefndarinnar.
Hinn 1. septemher 1970 var Óli Jóhann Ásmundsson arkitekt ráðinn til sérfræði-
legrar þjónustu í þágu nefndarinnar og honum fengin vinnuaðstaða innan vébanda
embættis húsameistara ríkisins.
Þeir Harald L. Tveterás ríkishókavörður Norðmanna og Edward J. Carter frá
Englandi, er hingað voru fengnir á vegum Menningar- og fræðslustofnunar Samein-
uðu þjóðanna í október 1969, komu öðru sinni í nóvember 1970 og með þeim jafn-
framt H. Faulkner Brown arkitekt frá Newcastle. Kom hann á vegum byggingarnefnd-
ar Þjóðarbókhlöðu og að tilvísun Unesco-sérfræðinganna. í framhaldi af fundi með
þeim og þeirri nefnd manna úr báðum söfnunum, er undirbúið hafði þetta mál allt,
ritaði byggingarnefndin menntamálaráðherra bréf 26. nóvember 1970 með tilmælum
um, að hann skrifaði borgarstjóra Reykjavíkur og beiddist þess, að ákveðin yrðu
lóðamörk svæðis þess við Birkimel nálægt Hringbraut, er borgaryfirvöld gáfu fyrir-
heit um sumarið 1968. Fylgdi bréfi byggingarnefndar afstöðumynd, er sýndi tillögu
að staðarvali fyrir þjóðarbóklilöðuna á horni Birkimels og Hringbrautar og stærð
lóðar ásamt bílastæðmn. Var þar gert ráð fyrir 10.000 m2 gólffleti húss á fjórum
hæðum og 20.000 m2 lóð alls.