Árbók Landsbókasafns Íslands - 01.01.1971, Side 187

STOFNUNARSÖFNHÁSKÓLA
187
Stofnanaþjónustunni var komið á fót til að hrinda þessum ákvæðum i framkvæmd.
Innan ramma þessa samnings stuðlaði hún að samvinnu stofnunarsafna og Konungs-
bókhlöðu. Urðu samskiptin smám saman nánari og þjónustan umfangsmeiri. Ég tek
skráningarstarfið sem dæmi.
Upphaflega var reynt að nota til skráningarstarfa það starfslið, sem fyrir var í
stofnunmn. Voru samdar í þessu skyni leiðbeiningar um skráningu og útbúið dæma-
safn spjaldskrárkorta. A þessum grundvelli ákváðu 11 stofnanir að taka upp þessar
skráningarreglur undir leiðsögn stofnanaþjónustu (13). Þetta fyrirkomulag reyndist
ekki vel og var lagt niður. Stofnanaþjónustan tók þá að sér skráningu fyrir stofnanir.
Fóru starfsmenn hennar reglulega í stofnanir og skráðu safnauka. Einnig voru nokkur
söfn skráð frá rótum. Fjölgaði með ári hverju stofnunum, sem notfærðu sér þessa
þjónustu. Fjárhagsárið 1963-64 voru þær 24, en 1964-65 29 talsins (14 og 15). Nú
munu þær vera milli 30 og 40.
Einnig var komið upp á vegum stofnanaþjónustunnar samskrá stofnunarsafna. Er
henni svo lýst í dreifibréfi frá stofnanaþjónustunni 21. október 1963 (12):
„Hefur tekizt að ljúka því verki að steypa hinum einstöku spjaldskrám sáman í eina
stafrófsraðaða skrá. Ætti héðan í frá að vera unnt með einni uppflettingu að ganga
úr skugga um, hvort erlendrar bókar hafi verið aflað í nefndum háskólastofnunum
eða í 1. deild háskólabókasafns frá 1960/61.“
Megineinkenni safnaskipunar við Hafnarháskóla er hin mikla dreifing starfsem-
innar. Viðleitni er þó til samræmingar og hagræðingar eins og sjá má af því, sem sagt
hefur verið um stofnanaþjónustu. Er eftirtektarvert, hve þeim stofnunum hefur fjölg-
að ört, sem hafa notfært sér aðstoð hennar. Milli háskólabókasafns og Konungsbók-
hlöðu hefur löngum verið gott samstarf fremur en samkeppni. Arið 1943 styrktust
tengsl þessara safna, er stofnað var embætti ríkisbókavarðar og hann gerður að
yfirmanni beggja safnanna. Stofnanaþjónustan tekur ekki til raunvísindagreina, en 2.
deild háskólabókasafns hefur jafnan nána samvinnu við mörg sérsöfn vísindastofnana
á sviði læknisfræði og náttúruvísinda (9, s. 23-24).
Stofnanaþjónusta við háskólann í Gautaborg. Háskólabókasafnið í Gautaborg skipt-
ist í tvö meginsöfn. Annað er Centralbiblioteket, sem tekur til hugvísinda og félags-
vísinda. Hitt er Bio-medicinska biblioteket, sem er safn læknisfræði, tannlækninga og
líffræði. Stofnanaþjónustan þjónar aðeins hugvísindadeild og félagsvísindadeild. Eng-
in eiginleg stofnanaþjónusta er til fyrir stofnanir annarra deilda. Stj órnunarlega eru
stofnunarsöfnin óháð aðalsafni.
Stofnanaþjónustan aðstoðar 32 stofnunarsöfn. Bókaöflun 27 þessara safna er hnit-
uð, og sér stofnanaþj ónustan um hana. Sé bóka ekki aflað um stofnanaþjónustu, eru
þær sendar henni til skráningar. Hún heldur samskrá tun bækur stofnunarsafna. Hún
annast einnig sendingar til bókbindara.
Víkjum að bókaöflun þeirri, sem fer um stofnanaþj ónustu. Beiðni um bókakaup