Skinfaxi - 01.02.1937, Blaðsíða 84

84
SKINHAXI
Arnór Sigurjónsson:
Ungmennafélagar!
Má ekki mikils af ykkur vænta?
Ekki hafa menn ennþá veitt nægilega athygli þeim merki-
legu tiðindum, að þeir eru nú að verða fulltiða menn, er
voru ómálga börn, er ófriðurinn mikli skall á. Nú er að verða
fullorðin ný kynslóð, alin upp á nýjum tima við furðu ólik
lífsviðhorf og sjónarmið og sú kynslóð, sem komin er á miðj-
an aldur og meir. Skarpari kynslóðaskipti hafa aldrei orðið
hér á landi en þau, sem nú eru að verða, jafnvel ekki, þegar
breytt hefir verið um trú eða sið eða stjórnarhætti. Þróttmikil
kynslóð svipmikils tima er nú óðum að víkja fyrir nýrri en
óráðinni kynslóð óráðins tíma.
Munur kynslóðanna er svo glöggur, að meiri hætta er ó
þvi en nokkru sinni fyrr, að arfur kynslóðarinnar, sem er
að hverfa, verði ekki nýttur af nýju kynslóðinni, svo sem
vert er. Því er það brýnt og áríðandi lilutverk beztu fulltrúa
beggja kynslóðanna, að leggja alúð við að skilja rétt og gildi
hinnar kynslóðarinnar og bjarga þeim verðmætum til fram-
tíðarinnar, er mest gildi hafa í sér fólgið.
Þetta er þó fyrst og fremst áriðandi fyrir nýju kynslóðina.
Hún á að erfa ríkið og hún erfir það, og þvi eru verðmætin
hennar eign fyrst og fremst. Svo er hún líka færari um það.
að skilja og meta eldri kynslóðina, heldur en eldri kynslóð-
in að skilja hana. Hingað til liafa menn verið undir þeim álög-
um fæddir, að geta að vísu, ])egar vel lætur, skilið nokkuð
af því, sem á bak við þá er, en litt eða ekki það, sem við
tekur. Engin kynslóð hefir skilið þá kynslóð, sem á eftir henni
hefir komið, nema á mjög ófullkominn hátt. En ný kynslóð
getur skilið gömlu kynslóðina, ef hún vill.
Má ekki treysta nýju kynslóðinni, unga fólkinu, sem nú er
að vaxa upp á íslandi, til þess að vilja skilja þá kynslóð, sem
nú er að verða gömul?
Hver kynslóð hefir hneigð til þess — af eilífum mannleg-
um barnaskap — að beygja nýju kynslóðina undir sín lög-
mál, livort sem þau eru enn i gildi eða fallin úr gildi. En i
hvert skipti, sem hún beitir ráðríki og yfirgangi til þess,
vinnur hún það eitt að fella sjálfa sig í verði í augum nýju
kynslóðarinnar. Ný kynslóð verður ekki sigruð af eldri kyn-
slóð, nema með sannsýni og réttvísi. Hún verður ekki yfir-