Skinfaxi - 01.02.1937, Blaðsíða 62

62
SlvlNFAXI
fyrir unglinga, þar sem þeir geti lært margháttuð sjó-
mennskustörf, bæði verklega og fræðilega.
6. Að þeim atvinnulausum unglingum, sem áhuga
hafa á landbúnaðarstörfum, sé lagt til hentugt land,
nauðsynlegt stofnfé og leiðbeiningar, til að reka jarð-
yrkjustarfsemi eða kvikfjárrækt.
7. Að í bæjum, þar sem unglingar eru atvinnu-
lausir, sé komið upp nægilega rúmgóðum vinnustof-
um með nauðsynlegum áhöldum, svo að unglingar,
sem hneigðir eru fyrir handiðnir, geti unnið þar, enda
sé þeim séð fyrir hæfum leiðbeinanda og vinnuefni.
8. Að unglingum, sem njóta þeirra aðgerða, sem
um getur í 4.—8. lið framanritaðs, sé jafnframt séð
fyrir nokkurri almennri fræðslu.
Agnar E. Kofoed-Hansen:
Um svifflug.
Eg ætla liér með fáum orðum að fræða ykkur dá-
lítið um flug án lireyfils, eða svifflug, eins og það
oftast er kallað. Flug án hreyfils greinist i tvo aðal-
flokka: Renniflug og svifflug. Svifflug greinist svo
aftur í hitaupppstreymisflug, eða það, sem Þjóðverj-
ar kalla „Termikflug“, og uppvinduflug eða „hang-
flug“. — Sú spurning, sem fyrst mun vakna í huga
ykkar, er: Hvað er svifflug? Við höfum sjálfsagt
allir haft flugáhuga að meira eða minna leyti frá
blautu barnsbeini; við viljum öll, ung og gömul, geta
svifið um loftið eins og fuglinn; flogið fjöllunum
hærra, yfir fljót, vötn og fagra dali.
Við höfum flest athugað flug fuglanna. Við, sem
búum næst sjónum, höfum haft tækifæri til þess að
athuga flug mávanna og annarra sjófugla; hvernig
þeir svífa langar leiðir, án þess að bæra vængina.
Þeir, sem hafa siglt um höfin, eða milli hafna eða
landa, hafa sjálfsagt tekið eftir þvi, hvernig t. d.