Náttúrufræðingurinn - 1998, Page 103

6. mynd. Beltaskipting gróðurs við Brunntjörn á klöpp með um 37° halla. Myndin er tekin
á lágfjöru í stórstreymi í júlí 1997. Snið 2, kannað 1979, var staðsett um miðhik
myndarinnar (sjá 4. mynd). - Zonation of plants at Brunntjörn on a lava block with 37°
inclination from the horizontal. The picture was taken at low spring tide in July 1997.
Transect 2 investigated in 1979 was situated in the middle of the picture (see fig. 4).
í þessum tjörnum reyndist vera mikið af
fjöruflóm af tegundinni Gammarus duebeni,
sem þekkt er af því að kjósa sér helst lítt salt
umhverfi, en þó ekki ósalt, eins og áður er
getið. í tjörnunum eru líka lirfur vorflug-
unnar Limnephilus affinis, sem algeng er í
ísöllu umhverfi, og mikið af lirfum rykmýs
sem ekki hafa verið greindar til tegunda.
Gróður við þessar tjarnir hefur ekki verið
kannaður. Skóf, sem hugsanlega er fjöru-
sverta (Verucaria maura), litar grjótið svart.
Enga fjöruþörunga var að sjá en einhverjir
smásæir þörungar sem vaxa í sjávarfjöru
kunna að leynast þarna.
N ÁTTÚ RUVERNDARGILDI
A Reykjanesskaganum er nokkuð um tjarnir
sem svipar til lónanna við Lónakot. Vatnið í
þeim er lítið eitt ísalt og sjávarföll eru greini-
leg, þótt vatnsborðið sveiflist e.t.v. aðeins
um fáa tugi sentímetra. Eitl af einkennis-
dýrum þessara tjarna er fjöruflóin (marflóin)
Gammarus duebeni. Brunntjörn og hinar
sjávarfallatj arnirnar tvær, sem ekki sýna
neina íblöndun sjávar, eru hins vegar ein-
stæð náttúrufyrirbrigði og eiga ekki sína líka
annars staðar í veröldinni svo mér sé
kunnugt. Tjarnirnar bjóða m.a. upp á marg-
víslegar, afar áhugaverðar rannsóknir, en
rannsóknir á þessum tjörnum eru enn
nánast á byrjunarstigi. Þarna leynast
vísindaleg verðmæti í ríkum mæli. Friðun
þessara tjarna er því afar brýn, og mjög
vandlega verður að huga að öllum fram-
kvæmdum sem kynnu að hafa áhrif á þær.
Keflavíkurvegurinn hefur þegar sneitt
nokkuð af suðurhluta Brunntjarnar. Senni-
lega er mest hætta fólgin í röskun á rennsli
ferska vatnsins, t.d. með vegagerð eða
öðrum framkvæmdum sunnan Straumsvíkur,
261