Andvari - 01.01.2008, Page 127
andvari
LANDFLUTNINGAR
121
Mynd 6. Guðbergur Auðunsson, 198?. Landnáma. 148 x 178 cm og 145 x 177 cm.
Akrýl á striga. í einkaeign.
leitaðist við að rísa gegn á sjöunda áratugnum, raunar einkum afstraktmál-
verkinu sem þá var orðið ráðandi tjáningarform á innlendum listvettvangi.20
Afstraktmálverkin fela einnig í sér „flutning" á náttúrunni í umbreyttri mynd.
Lýrískir afstraktmálarar skírskotuðu til náttúrunnar í verkum sínum, meðal
annars birtubrigða sem þeir sóttust eftir að miðla með litanotkun. Jafnvel
hörðustu strangflatarmálarar á borð við Þorvald Skúlason viðurkenndu skír-
skotun til náttúruforma, svo sem í hreyfingum straumharðra áa.
Málverkið á mynd 6, Landnáma eftir Guðberg Auðunsson, lýsir þeirri
afhelgun á hefðinni - á málverkinu - sem hélt innreið sína hér á landi eins
og annars staðar með tilheyrandi „mengandi“ fígúratífum áhrifum frá t.d.
popplist og ljósmyndaraunsæi. Þetta reyndist raunar frjósamt og endurnýj-
andi tímabil í landslagsmálverkinu og það hélt velli í ýmsum hálfafstrakt
eða hálffígúratífum stílum. Málverkið, sem unnið er undir áhrifum frá
popplist og konseptlist, ber heitið Landnáma, sem skírskotar til bókmennta-
arfsins á húmorískan hátt og tengsla hans við upphaf samfelldrar byggðar á
íslandi. Verkið felur jafnframt í sér athugasemd við landslagshefðina og það
>,landnám“ sem landslagsmálarar og fleiri hafa ástundað, en það birtist sem
fyrr segir einnig í „flutningi“ landsins í eftirmyndum - svo ekki sé minnst á