Andvari - 01.01.1950, Blaðsíða 20

16
Jón Guðnason
ANDVARI
á stúdentsárum hans, höfðu mikil námsefni í sér fólgin og veittu
hentug tækifæri til athugana og rannsókna, ef tími var til. Og
þó að honum væri ekki gefin nein fyrirmæli um að auka starfs-
byrði sína með þess konar viðfangsefnum, þá er auðskilið mál,
að með því að sinna þeirn óx honum ásmegin ,og þau léku hon-
um því betur í höndum sem tímar liðu lengra fram.
Hér á eftir verður rakinn starfsferill Páls Eggerts, eftir því
sem föng eru til og rúm leyfir. Er þetta eigi vandalaust verk,
þar sem hér er um mergð starfa að ræða og afköstin í sumum
greinum þvílík, að með ólíkindum má kalla. Upptalning þess,
sem hér er til frásagnar, getur hæglega orðið þurr og þreytandi,
nerna þá að henni sé ætlað ríflegt rúm, eða að öðrum kosti eitt-
hvað fellt úr. En þó er sá vandinn meiri, að kveða á um gildi
hinna einstöku veigamestu starfa og ritverka. Hæfir vart að
aðrir gerist þar dómarar en þeir, sem sérfróðir eru í hverri grein,
er um ræðir. Þau ummæli hér á eftir, er skilja má sem mat á ævi-
starfi og einstökum ritverkum Páls Eggerts, eru hugsuð út frá
viðhorfi hins almenna lcsanda, eins þeirra mörgu, sem unna
þeim fræðum, er hann kunni „fastar og betur flestum" og varði
svo mikilli orku til gera að eign alþjóðar.
IX.
Um þær mundir er Páll Eggert lauk stúdentsprófi, hafði þjóð
vor eigi svo mörg og fjölbreytt störf á boðstólum til handa mennta-
mönnum sem síðar hefir orðið. Einkum reyndist þá þeim, er
eigi höfðu embættispróf eða verulega háskólamenntun að baki,
tíðum erfitt að fá aðgang að störfum við sitt hæfi. í þess konar
starfsleit gekk þá margur menntamaður „bónleiður til búðar“,
jafnvel svo árum skipti, áður en hann fengi hreppt öruggt og
sæmilega lífvænlegt starf, en dæmi til um ýmsa, er í þessu efni
voru meira og minna á hrakhólum lengst af ævi sinnar. Hvort
sem ráðið hafa hagstæð atvik eða það, að Páll Eggert hefir þá
þcgar verið talinn starfhæfari en almennt gerðist um stúdenta,