Andvari - 01.01.1950, Page 58

54
Barði Guðmundsson
ANDVARI
mjólkurketilinn og naln Þorsteins hins ramma. Sjálf bardaga-
lýsingin er að öðru leyti berlega runnin frá sögnum af drápi
Þorgils skarða. Eins og Þorgils verst Þorkell einn síns liðs at-
sókn margra manna, sem böfðu komið að honum í fasta svefni
á næturþcli. Og hann verst holsærður hetjulega eins og Þorgils
og með sama hætti. Höfundur Rindilsþáttar gleymir ekki hrakn-
ing Magnúss Jónssonar, er veitt hafði Þorgilsi holsárið, og lætur
Þorkel hrekja Guðmund ríka með sverðshöggum á undan sér.
Svo er að sjá sem höfundur hafi í fyrstu hugsað sér Guðmund
hörfa undan spjótslögum Þorkels að mjólkurkatlinum, en minnist
svo þess, að Þorgils vó að Magnúsi með sverði. Þannig verða þau
mistök höfundar skýranleg, er hann segir Þorkel taka sér í hönd
höggspjót, en þó hlaupa „fram með brugðið sverð.“ Ekki verður
séð, að höggspjótsgripið, fall Guðmundar í ketilinn eða nafn Þor-
steins ramma standi í nokkrum minningatengslum við víg Þor-
gils skarða. Sama máli gegnir urn frásagnirnar af heimafólki
Þorkels háks, þá er Rindill kom til Öxarár. „En Þorkell hafði fátt
hjóna og einn húskarl, og var hann brautu til verks“ segir í A-
gerðinni. Nánar er þctta svo síðar skýrt með orðunum: „Én hús-
karl Þorkels vann þar sem heitir að Landamóti að heyverki."
Ekkert kemur nraður þessi annars við söguna. f báðum gerðum
Rindilsþáttar er húsfreyja Þorkels sögð vara mjög við Rindli
og amast við gistingu hans. Hún er nafngreind í C-gerðinni og
kölluð Þorgerður. Þar er þess og getið, að Guðrún, dóttir Þor-
kels, fjögra vetra gömul, hafi hvílt hjá föður sínum.
Setningin: „Þorkell lét sem hann sæi engan nema Guðmund
í atsókninni" vekur grun um það, hvaðan húskarlinn, högg-
spjótið og nöfnin Þorgerður, Guðrún og Þorsteinn rammi séu
komin inn í Rindilsþátt. Allt þetta finnst í hinum stuttorðu frá-
sögnum af Ótryggi í þætti Eyjólfs Guðmundssonar, þá er greinir
frá liðsafnaði Þorvarðs á Fornastöðum og orustunni við Kakala-
hól: „En Þorvarður sendi mann á fund Gunnsteins og svo til
Ótryggs, er átti Guðrúnu, dóttur Þorkels liáks. Hallur Ótryggsson