Almanak Ólafs S. Thorgeirssonar - 01.01.1944, Síða 22

22
ÓLAFUR S. THORGEIRSSON:
hefir haft og hefir sérstaklega með höndum, og gildi þess
fyrir þjóðstofn vorn beggja megin hafsins.
Verður þá að sjálfsögðu fyrst fyrir að minnast þess
mannsins, sem Almanakið á tilveru sína að þakka, stofn-
anda þess og útgefanda í meir en 40 ár, Ólafs S. Thorgeirs-
son prentsmiðjustjóra. Eigi gerist þess þó þörf að rekja
æfi — og athafnaferil hans. að þessu sinni, því að það var
gert ítarlega, af alúð og glöggskygni, í hinni prýðilegu
minningargrein um hann eftir dr. Rögnvald Pétursson,
er birtist hér í ritinu árið 1938; þeim, er fræðast vilja um
það efni, vísast því þangað. 1 gagnorðri grein hér í Alm-
anakinu tveirn árum síðar ritaði Grímur Eyford einnig
hlýlega og maklega um Ólaf með sérstöku tilliti til þess
þjóðnytjastarfs, er hann vann með því að hefjast handa
um söfnun og útgáfu sagnabálks þess um landnám Is-
lendinga í Vesturheimi, sem gert hefir Almanak hans
sérstætt meðal íslenzkra tímarita sinnar tíðar og gefur því
um annað fram varanlegt gildi.
Eins og kunnugt er öllum þeim, sem kynntust Ólafi
S. Thorgeirsson að nokkuru ráði, þá var hann að eðlisfari
bæði mjög fróðleikshneigður maður og að sama skapi
þjóðlegur. Komu þessar hliðar á traustri skapgerð hans
fram í margháttaðri þátttöku hans í íslenzkum menningar
— og félagsmálum vestan hafs og í bókaútgáfu hans. Var
það hreint engin tilviljun, að hann átti frumkvæðið að
stofun Eyfirðingafélagsins, klúbbsins “Helga magra”, í
Winnipeg, og var árum saman forseti þess merka félags-
skapar. Var hér um að ræða þjóðræknislegan félagsskap
af ágætasta tagi, því að klubburinn hafði það fyrst og
fremst á stefnuskrá sinni að efla og styðja að viðhaldi
íslenzkrar tungu og íslenzks þjóðernis vestan hafs, jafn-
hliða því sem honum var ætlað að verða félagsmönnum
til skemmtunar og fræðslu. Fróðleikshneigðin og þjóð-
ræknin héldust hér því fagurlega í hendur. Hins sama
gætir í tímaritum þeim, mánaðarritinu Breiðablikum og