Almanak Ólafs S. Thorgeirssonar - 01.01.1944, Page 68

68
ÓLAFUR S. THORGEIRSSON:
var einnig fæddur þar. Móðir hans hét Þórunn Gunnars-
dóttir, ættuð úr Árnessýslu. Hann flutti til Ameríku 1886,
og dvaldi ein þrjú ár í Winnipeg.
Sigurjón kvæntist 26. júní 1886, Guðrúnu Jónsdóttur
frá Setbergi í Iiafnarfirði. Vorið 1899, fluttu þau vestur
til Þingvallabygðar og voru þar í fjögur ár, en urðu að
flytja þaðan vegna vatnsleysis. Fóru þau þá til Sandybay
við Manitobavatn. Þar bjuggu þau í níu ár og höfðu góða
landkosti.
Árið 1902 fluttu þau sig enn, og þá til Siglunesbygð-
ar, en urðu að flýja þaðan sökum flæðis úr vatninu. Þá
fluttu þau í þessa bygð, og námu land á S.E. Sec. 23,T.
20, R. 5, en keyptu svo landið, sem þau bygðu á heimili
sitt. Þeir feðgar ruddu og plægðu land til akuryrkju,
með góðum árangri, en af því mest af þeirra landi er
engi og skógur, leggja þeir sig mest eftir griparækt og
mjólkursölu og farnast mjög vel. Þeir hafa fyrir löngu
bygt stórt íbúðarhús og góð gripahús, og fara prýðilega
með allar skepnur.
Jón, sonur Sigurjóns og Guðrúnar, hefir altaf búið
með foreldrum sínum og er hann búmaður góður. Hann
er afbragðs skýr maður, svo eg hefi notið hans upplýsinga
við samning þessara söguþátta. Jón nam land á S.V. Sec.
23, T. 20, R. 5, og keypti S.V. Sec. 14, T. 20, R. 5. Þeir
feðgar hafa stutt á allan veg framfaramál sveitarinnar og
eru bæði þjóðræknir og gestrisnir, eins og best má vera.
Sigurjón og Guðrún áttu tvær dætur. 1. Þórunn, fædd
1894; Vilborg, fædd 1898, gift M. E. Kahler vélafræðing
í Winnipeg. Sigurjón er nú nýlega látinn. Andaðist 24.
janúar 1940. En ekkja hans hefir allgóða heilsu, þó orðin
sé rúmlega áttræð. Þeim hjónum var haldið gullbrúð-
kaups afmæli 1936, með miklum veg og rausn, og naut
eg þeirrar ánægju að vera þar viðstaddur og óska þeim
til hamingju.