Kirkjuritið - 01.09.1950, Side 16

168
KIRKJURITIÐ
því, að þeir muni verða fyrir miklum þrengingum og of-
sóknum. En ekkert þess háttar virðist eiga sér stað. Hann
segir þeim einnig, að Mannssonurinn muni koma, áður en
þeir hafi lokið við að heimsækja borgir Israels, og getur
það ekki átt við annað en að Messíasarríkið verði þá runn-
ið upp.
Hvernig stendur á því, að Jesús gerir þannig ráð fyrir
atburðum, sem eftirfarandi frásögn hefir svo ekkert af
að segja?
„Mér nægði ekki,“ segir Schweitzer, „útskýring Holtz-
manns, að hér sé um seinni tíma guðfræði að ræða, er
lögð væri Jesú í munn. Mér þótti ósennilegt, að Jesús
væri eignuð orð, sem ekki væri hægt að heimfæra við rás
atburðanna.
11. kafli Matt. segir svo frá orðsendingu Jóhannesar
skírara til Jesú og svari hans. 1 þessu efni þótti mér
heldur eigi Holtzmann né aðrir skýrendur gefa nægan
gaum að ráðgátum textans. Við hvern átti skírarinn, er
hann spyr Jesú, hvort hann sé „Sá, sem koma á“? Er
það öldungis víst, spurði ég sjálfan mig, að „sá, sem koma
á,“ geti ekki verið neinn annar en Messías?
Samkvæmt Messíasarvonum síðgyðingdómsins átti fyrir-
rennari Messíasar að vera Elía, risinn frá dauðum. Hann
átti að gera tákn og undur, síðan kæmi Messías.
Ekki verður þess vart að Jóhannes telji sig þennan fyrir-
rennara, enda gerir hann ekki kraftaverk, en boðar, að
sá komi á eftir sér, sem sér sé máttkari og muni skíra
með heilögum anda og eldi.
Það er því eðlilegt, þegar Jóhannes heyrir um verk Jesú,
að hann haldi, að hér sé Elía endurborinn á ferðinni. Þetta
var og álit margra á Jesú, samkvæmt Mark. 8, 28. Jesús
upplýsir hins vegar lærisveinana um það, að Jóhannes sé
„Sá, sem koma á“, þ. e.: Elía. Ennfremur segir Jesú, að
meðal þeirra, sem af konum séu fæddir, hafi ekki komið
fram meiri maður en Jóhannes skírari, en í himnaríki