Kirkjuritið - 01.09.1950, Qupperneq 18

170
KIRKJURITIÐ
Hér verða engin tök á að gefa neina verulega hugmynd
um guðfræði Schweitzers og því síður gagnrýna hana.
En mergurinn málsins er sá, að eftir heimildum N. t.
að dæma, hyggur hann að eigi verði hjá því komizt að
ætla, að Jesús hafi í upphafi flutt mjög hina sömu kenning
og Jóhannes skírari, að himnaríki væri í nánd, stæði fyrir
dyrum. Ekki slíkt guðsríki, sem kæmi smám saman með
aukinni siðmenning og andlegum þroska. Þær hugmyndir
telur hann að guðfræðingar síðari tíma hafi lesið inn í
boðskap hans. Heldur það guðsríki, sem kæmi með heims-
byltingu, er Guð gerði alla hluti nýja, setti hinn hinzta
dóm og Mannssonurinn kæmi í skýjum himinsins. Messías-
ar-vitund sína fær hann að vísu í skírninni, en heldur
henni í fyrstu vandlega leyndri. Hann byrjar starf sitt um
sáningartímann, og er líflátinn veturinn eftir. I fyrstu
væntir hann komu guðsríkisins um uppskeruleytið. Því
sendir hann út lærisveinana tólf til að samansafna hinum
útvalda Israel í dreifðum borgum landsins. Gerir hann ráð
fyrir að byltingin hafi gerzt áður en þeir koma.
En þetta gengur eigi eftir; þá dregur Jesús sig út úr
með lærisveinana til að hugsa málið betur. Hann hafði
búizt við að mikil þrenging mundi koma yfir alla útvalda
sem prófraun og imdanfari Messíasarríkisins, en engin
þrenging kom. Þá verður honum það Ijóst af Jesaja, að
hann á að kaupa lýð sinn undan þjáningunum og láta líf
sitt til lausnargjalds fyrir marga. Píslarferillinn er fyrir
dyrum. Jafnframt gefur hann lærisveinunum í fyrsta sinn
til kynna að hann sé Messías. Reyndar ekki í þessari
jarðnesku tilveru. Hér er hann aðeins hinn líðandi þjónn.
En undir eins og hann hefir verið líflátinn sem afbrota-
maður gerist heimsbyltingin og þá mun hann koma í skýj-
um himinsins með mætti og mikilli dýrð. Þá rennur Mess-
íasaröldin upp.
Nú hefst förin til Jerúsalem. Ný hrifningaralda myndast
um hann. öllu er hagað eftir spádómunum. Hann heldur
hátíðlega hina síðustu kvöldmáltíð með lærisveinum sín-