Kirkjuritið - 01.09.1950, Page 44

Dr. Sigurgeir Sigurðsson biskup
sextugur.
Dr. theol. Sigurgeir Sigurðsson biskup átti sextugsafmæli
3. ágúst síðastliðinn, og bárust honum þann dag margar
kveðjur og gjafir, m. a. málverk eftir Jóhannes Kjarval
frá prestum landsins. Á biskup miklum vinsældum að
fagna.
Það er ekki ætlun Kirkjuritsins að fara að rekja starfs-
feril biskups á þessum tímamótum í ævi hans, heldur vill
það aðeins drepa á fátt eitt af því, sem honum ber að
þakka.
Biskup hefir unnið að því af miklum dugnaði að bæta
starfskjör presta. Mörg ný og endurbætt prestsseturshús
tala þar skýrt sínu máli, og prestslaun eru nú viðunan-
legri en þau hafa áður verið. Er það vafalaust rétt stefnt
að greiða þannig götu prestanna, ef jafnframt er krafizt
af þeim mikilla starfa.
Þá er það mjög merkur og veigamikill þáttur í starfi
dr. Sigurgeirs biskups, hve mjög hann hefir eflt kirkju-
sönginn í landinu og bætt. Stofnun söngmálastjóraembætt-
isins og söngskóla þjóðkirkjunnar er fyrst og fremst hans
verk. Upp af því fræi spretta fleiri og fleiri kirkjukórar
um land allt kristnilífi þjóðarinnar til blessunar.
Biskup er yfirleitt vakinn og sofinn í starfi sínu og því
hugkvæmur um margt, er til bóta má verða. Hefir hon-
um auðnazt að koma ýmsu af því í framkvæmd. Hann
breytir trúlega eftir postullegu áminningunni í Hirðisbréf-