Kirkjuritið - 01.09.1950, Qupperneq 51

PRESTASTEFNAN 1950
203
kirknanna á hinum Norðurlöndunum. Þá beindi hann sérstak-
lega orðum sínum til Dr. Manfred Björkquists Stokkhólms-
biskups og kvað það vera sér mikið gleðiefni að bjóða hann
hjartanlega velkominn til landsins, fyrir sína hönd, íslenzku
kirkjunnar og þjóðarinnar. Ennfremur bauð hann velkomna til
prestastefnunnar dönsku prestana, séra Finn Tulinius og séra
Dag Möller, sem báðir væru af íslenzku bergi brotnir, og hefðu
jafnan sýnt mikinn áhuga á íslenzkum kirkjumálum, og bæru
mikinn hlýhug til þjóðarinnar.
Síðan tóku til máls fulltrúar Norðurlandakirknanna hver af
öðrum, ávörpuðu biskup og prestastefnuna, fluttu kveðjur frá
höfuðbiskupum og kirkjum landa sinna og lýstu ánægju sinni
yfir því, að hafa fengið þetta tækifæri til þess að heimsækja
Island og kynnast kirkjulífinu þar og kváðust vona, að þessi
heimsókn mætti leiða til aukins samstarfs allra Norðurlanda-
kirknanna í framtíðinni. Fyrstur tók til máls Dr. Manfred
Björkquist Stokkhólmsbiskup og talaði af hálfu sænsku kirkj-
unnar, því næst prófessor Regin Prenter frá Danmörku, Vainö
Marjanen prófastur frá Finnlandi og Kristian Hansson skrif-
stofustjóri frá Noregi. Að lokum talaði dr. theol. Harry Jo-
hansson, en hann er framkvæmdastjóri kirkjusamtaka Norður-
landa (Nordisk Ökumenisk Institut), en á vegum þess félags-
skapar var þessi virðulega heimsókn.
Biskup þakkaði erindi og kveðjur gestanna. Því næst flutti
hann yfirlitsskýrslu sína um störf og hag kirkjunnar á síðasta
sýnódusári.
YFIRLITSSKÝRSLA BISKUPS.
Áður en ég að þessu sinni vík að starfi kirkjunnar á liðnu
sýnódusári, vil ég með örfáum orðum minnast þeirra presta og
prestsekkna, er látizt hafa á árinu.
Óvenju stórt og vandfyllt skarð hefir á þessu starfsári verið
höggvið í hóp stéttarinnar. Eigi færri en sex prestsvígðir menn
hafa flutzt yfir landamærin miklu, þar á meðal margir þeir,
sem hæst hefir borið í íslenzkum kirkjumálum á undanförnum
árum og áunnið hafa sér traust og virðingu eigi aðeins safnaða
sinna heldur þjóðarinnar allrar.
Hinir látnu bræður eru þessir:
1. Séra Árni Sigurðsson fríkirkjuprestur í Reykjavík.
14