Kirkjuritið - 01.09.1950, Page 64

216
KTRKJURITIÐ
Þessir prestar hafa átt merkisafmæli á sýnódusárinu:
Séra Þorvaldur Jakobsson f. prestur í Sauðlauksdal varð 90
ára hinn 4. maí s.l. Er hann elztur af öllum prestum landsins,
en þó allvel em og hraustur.
Séra Matthías Eggertsson f. prestur í Grímsey varð 85 ára
hinn 15. júní s.l.
Séra Sigurður Norland prestur í Hindisvík varð 65 ára hinn
16. marz.
Séra Jón Guðnason, f. prestur á Prestsbakka og nú skjala-
vörður í Reykjavík, varð 60 ára hinn 12. júlí.
Séra Halldór Jónsson á Reynivöllum átti 50 ára prestsafmæli
hinn 15. október og hefir gegnt prestsstarfi í Reynivallapresta-
kalli alla þá tíð, og notið þar frábærra vinsælda.
Séra Bjarni Jónsson vígslubiskup og dómprófastur í Reykja-
vík á 40 ára prestsvígsluafmæli 26. júní n.k. Hefir hann starfað
sem prestur dómkirkjusafnaðarins í Reykjavík öll þessi ár og
leyst af hendi umfangsmeiri störf og erfiðari en aðrir prestar
landsins, við miklar vinsældir safnaðarins.
Öllum þessum mönnum vil ég fyrir mína hönd og kirkjunnar
færa hinar innilegustu heillaóskir og árna þeim blessunar Guðs.
Samkvæmt skýrslum prestanna munu messur á árinu 1949
hafa orðið samtals 3884, og er það 25 messum færra en árið
á undan. Þar af hafa almennar kirkjuguðsþjónustur verið 3066,
barnaguðsþjónustur 454 og aðrar guðsþjónustur 364. Rétt er að
geta þess, að tölur þessar kunna að geta breyzt lítilsháttar, þar
sem ókomnar eru enn messuskýrslur úr einu prófastsdæmi, N.-
Þingeyjarprófastsdæmi, vegna fjarveru og sjúkleika prófasts-
ins, og er messufjöldi þar áætlaður hinn sami og árið 1948.
Altarisgestir á landinu eru 6710, ef reiknað er með sömu tölu
altarisgesta í N.-Þingeyjarprófastsdæmi og síðastliðið ár, og er
þetta nokkru hærri tala en árið á undan.
Eins og þeir prestar munu minnast, er staddir voru á síðustu
prestastefnu, þá var þar samþykkt tillaga um það, að biskupi
yrði fengin í hendur umsjón með messuflutningi presta í út-
varpinu. í framhaldi af því hafa farið fram samtöl og bréfa-
skipti milli mín og stjórnar Ríkisútvarpsins, er hafa leitt til
fulls samkomulags í þessum efnum, eins og bréf útvarpsráðs
dags. 14. júní s.L, bar með sér, og vil ég leyfa mér að lesa
hér upp: