Blanda - 01.01.1932, Blaðsíða 49
43
af bréfabók Brynjólfs biskups 1666, atS séra Narfi
hefur nokkru áður fengið 15 rd. hjá biskupi að
gjöf til siglingar, en ekki sést, hvert ár það hafi ver-
ið. Getur það ekki verið rétt, sem Jón Þorkelsson
Skálholtsrektor1) o. fl. segja, að hann hafi verið
14 ár erlendis, einkum í Svíaríki, en ósennilegt, að
hann hafi siglt tvisvar, sem yrði að vera, ef hann
hefði verið svo lengi ytra, og þá þó mjög stuttan
tima hér heima i milli. Þykir mér sennilegast, að hann
hafi verið erlendis 7—8 ár, því að hann hefur naum-
ast komið síðar hingað til lands en 1671. En þessi
14 ára timi mun miðaður við það, að hann hafi far-
ið þegar utan 1657, er hann sleppti Berufirði, og
verið stöðugt ytra úr því til 1671, en það getur ekki
verið rétt, eins og fyr er sagt. í Svíariki er sagt,
að hann hafi lagt stund á heimspekilega náttúrufræði
og læknisfræði, en annars er ekkert kunnugt um veru
hans þar, eða hvort hann hefur víðar farið t. d. til
Þýzkalands, sem allsennilegt er, en í Danmörku hef-
ur hann víst litt eða ekki dvalizt, þvi að þess mundi
einhversstaðar getið. Líklega hefur hann unnið fyrir
sér á einhvern hátt. En skömmu eptir að hann kom
heim, varð hann prestur í Möðrudal og hefur tekið
við því brauði 1672. Þá er hann hafði verið þar 2
ár, kom hinn afarharði vetur nyrðra og eystra 1674.
Varð þá mannfellir og fjárfellir svo mikill, að ann-
álar segja, að árin 1674 og 1675 hafi dáið 1100
manns úr harðrétti í Þingeyjarsýslu og 1400 manns
í Múlaþingi. Missti þá séra Narfi allt fé sitt og
staðarins í Möðrudal, og hrökklaðist þaðan haustið
1675, en staðurinn lagðist i eyði. Fór séra Narfi suð-
ur í Skálholt vorið 1676 og fékk þá hjá Þórði bisk-
1) Specimen Islandiæ non barbaræ, afskr. J. S. 333 4to,
bls. 166—167.