Uppeldi og menntun - 01.01.1999, Qupperneq 15

GUNNAR J. GUNNARSSON
Þegar spurt var um bænakunnáttu kom einnig fram töluverður munur milli
kynjanna. Fyrst voru þátttakendur spurðir hvort þeir kynnu bænina Faðir vor utan
að. Eins og við mátti búast kvaðst mikill meirihluti gera það eða 87%. Samanburður
milli kynja sýnir að fleiri stelpur en strákar segjast kunna Faðir vor eða 93% á móti
80%. Þessi munur er enn afdráttarlausari þegar spurt var um hvaða bænir aðrar
börnin kunna. Þau voru beðin að skrifa niður upphafið á bænum eða bænaversum
sem þau töldu sig kunna. Atta bænir voru oftast nefndar en tvær skáru sig þó úr,
þ.e. Vertu Guð faðir, faðir minn og Vcrtu nú yfir og allt um kring og kemur það í sjálfu
sér ekki á óvart. Þegar kynin eru borin saman kemur í ljós að mun fleiri stelpur en
strákar nefna bænir sem þær kunna. Það vekur t.d. athygli að 77,6% þeirra sem
nefna Vertu Guð faðir, faðir minn eru stúlkur en aðeins 22,4% eru strákar. Sama er
uppi á teningnum varðandi Vertu nú yfir og allt um kring. 81% þeirra sem segjast
kunna hana eru stelpur en 19% strákar. Hlutfall stráka sem segjast kunna einstaka
bænir kemst hæst upp í þriðjung í bænunum Ó, Jesú, bróðir besti og Nú legg ég augun
aftur. Þessi munur skýrist betur þegar tekið er saman annars vegar hve mörg börn
tilgreina bænir sem þau kunna og hins vegar hve margar bænir þau nefna. Þá kemur
í ljós að það eru 584 börn eða rúmur helmingur bamanna sem tilgreinir einhverjar
bænir, eina eða fleiri. Af þeim er 421 stelpa en aðeins 163 strákar. 52% strákanna
nefna aðeins eina bæn en tæpur þriðjungur stelpnanna nefnir eina bæn og annar
þriðjungur tvær bænir og um fimmtungur þrjár. Strákar virðast því samkvæmt þessu
kunna mun minna af bænum en stelpur. Á Mynd 3 sést hve margir nefna eina til
fjórar bænir, greint eftir kyni.
Mynd 3
Kanntu aðrar bænir utan að? Fjöldi tilgreindra bæna. Skipting eftir kyni
120
100
12 3 4
13