Uppeldi og menntun - 01.01.1999, Page 64

HEIMA E R BEST
Húsbúnaður þarf að vera einfaldur og í samræmi við aldur Benedikts og kyn.
Tónflutningsgræjur, diskasafn, blóm, bækur og myndir, skrifborð og stóll, sófi og
sófaborð, tölva, rafmagnsorgel, fataskápur og bókaskápur og fáeinir persónulegir
munir eru þegar í eigu Benedikts. Við þetta má bæta ódýrum húsgögnum sem
ýmist eru keypt notuð eða í IKEA. Eldhúsáhöld þarf að kaupa ný en vélar má
kaupa notaðar.
Hver er Benedikt?
Ahugamál, styrkur, menntun og þarfir
Til þess að þau markmið náist sem fyrr greinir og þar með viðunandi lífsgæði fyrir
Benedikt, þarf heimili hans, og skipulag og framkvæmd þess stuðnings sem hann
fær, ófrávíkjanlega að byggjast á svörum við spurningunni „Hver er Benedikt nú?"
Svör við þessari spurningu munu breytast að einhverju leyti með aldri hans og
frekari lífsreynslu. En það er þessi spurning sem stuðningshópur Benedikts þarf að
ræða saman og við Benedikt a.m.k. tvisvar til fjórum sinnum á ári.8 Allar ákvarð-
anir um endurskoðun á stuðningi við hann og heimili hans hljóta að byggjast á
svörum sem stuðningshópur hans, vinir og ættingjar koma með við spurningunni.
Hver er Benedikt nú haustið 1999?
Benedikt hefur átt þess kost hingað til að sinna fjölbreyttum áhugamálum, taka hóf-
legar áhættur, reyna nýja hluti, ferðast, velja og hafna, gera mistök og vinna sigra,
og þarf svo að vera áfram. Áhugamál Benedikts tengjast tónlist, söng og dansi, mat
og matartilbúningi, vélsleða- og hestaferðum, ökuferðum, sundi, körfubolta, göngu-
ferðum (að mestu í hjólastól), tónleika-, bíó- og leikhúsferðum, borðhaldi á veitinga-
og kaffihúsum, spilasölum, partíum með jafnöldrum, lestri bóka og myndaalbúma,
spilamennsku á hljómborð, tónsmíðum og tölvuleikjum. Hann hefur áhuga á jafn-
öldrum og ekki síst laglegum stúlkum. Hann hefur sérstaka ánægju af því þegar
fyrrverandi skólafélagar hans úr grunnskóla heimsækja hann (nú u.þ.b. fjórum
sinnum á ári sem hópur) og horfa með honum á myndband og borða pítsu. Hann
hefur gaman af skipulögðu félagastarfi og hefur sótt samkomur í Krossinum sér til
mikillar ánægju og tekið þátt í störfum KFUM, skáta og íþróttabúðum fatlaðra að
Laugarvatni. Veislur, afmæli og stórhátíðir með ættingjum gleðja hann, svo og ferð-
ir innan lands og utan, og flest farartæki frá hestvögnum upp í þotur. Hann hefur sér-
lega gaman af undarlegum hljóðum, nýju fólki, tökkum af ýmsu tagi og því að fífl-
ast, hlæja og vera miðpunktur stöku sinnum án þess að hann sé stöðugt frekur á at-
hygli.
Benedikt þekkir ekki óöryggi af neinu tagi enn sem komið er. Ef einhver hefur
hug á að brjóta á honum á einhverju þessara sviða, þá er hann óviðbúinn og getur
enga rönd við reist. Það er ekki unnt að tryggja neinn fullkomlega fyrir áföllum og
Þetta og það að hugað verður að aldri hans, kyni og því sem hann sýnir mestan áhuga eða andstöðu ætti að
tryggja að sjónarhom hans sé stöðugt lagt til gundvallar öllum ákvörðunum um líf hans, jafnvel þótt hann eigi
erfitt með að tjá óskir sínar og þarfir í orðum. Stuðningshópurinn þarf að vera sér vel meðvitandi um þetta og
það að óskir og langanir Benedikts eru ekki nauðsynlega þær sömu og einhvers tiltekins aðila í stuðningshópn-
um hans.
62