Uppeldi og menntun - 01.01.1999, Síða 96

ÁRANGUR SEM ERFIÐI?
Lögð var spumingalistakönnun bréfleiðis íyrir 71 kennara á námskeiðunum áður
en þau hófust í því skyni að kanna væntingar þeirra til námskeiðanna. Svör fengust frá
50 þátttakendum, þ.e. 70%. Unnið var úr þeim í SPSS forriti.2
Rætt var símleiðis við sömu þátttakendur á vormisseri 1997 til að athuga áhrif
námskeiðanna. Viðtölin gengu vel og allir veittu fúslega svör við umbeðnum spum-
ingum. Viðtölin voru tekin á segulbönd og síðan afrituð. Viðtölin voru öll lesin vand-
lega yfir. Við yfirlestur varð strax ljóst að þátttakendur höfðu nýtt sér efni námskeið-
anna, kynnt þau að einhverju marki fyrir samstarfsmönnum og efnið orðið þeim hvati
til frekari lestrar og umhugsunar, allt eftir eðli námskeiða. Þetta vakti von um áhuga-
verðar niðurstöður. Næst var unnið úr viðtölunum í forritinu NUDIST sem ætlað er til
úrvinnslu á eigindlegum rannsóknargögnum.3
Upphaflega var gert ráð fyrir að ræða aftur símleiðis við þá þátttakendur sem
þegar höfðu með einhverjum hætti hagnýtt sér efni námskeiðanna eða höfðu það í
hyggju við fyrsta tækifæri. Þá var áformað að heimsækja einhverja þeirra á vett-
vang. Af þessu varð ekki vegna breyttra aðstæðna umsjónarmanna rannsóknarinn-
ar sem báðir höfðu horfið frá störfum við endurmenntunardeild, en vissulega hefði
sú viðbót gefið fyllri mynd.
Nú verður gerð grein fyrir hverjum hluta athugunarinnar fyrir sig og niður-
stöður síðan dregnar saman og ræddar.
VÆNTINGAR ÞÁTTTAKENDA VIÐ UPPHAF NÁMSKEIÐS
Við upphaf hvers námskeiðs var spurningalisti lagður fyrir þátttakendur til að
kanna hvers þeir væntu af námskeiðinu. Eins og áður greinir svöruðu 50 listanum,
42 konur og 8 karlar. Flestir þátttakendur höfðu talsverða starfsreynslu, aðeins fjór-
ir höfðu kennt skemur en fjögur ár. Margir gegndu ábyrgðarstörfum innan skólans,
einkum árganga- og fagstjórn. Langflestir sóttu námskeiðin að eigin frumkvæði og
var algengast að þeir höfðu séð þau auglýst í kennsluskrá endurmenntunardeildar.
Þeir sem sóttu um fleiri en eitt námskeið höfðu flestir sett þessi í fyrsta sæti á for-
gangslista. Tæplega helmingur þátttakenda þekkti til umsjónarmanns áður en nám-
skeið hófst. Miðað við þær upplýsingar sem við höfum frá þátttakendum sjálfum
um aldur, starfsreynslu og stöðu í skólunum bendir ekkert til að um verulegan
mun hafi verið að ræða milli þátttakendahópa. Til dæmis var hlutfall árganga- og
fagstjóra áþekkt á öllum námskeiðunum.
Aðspurðir um ástæður þess að þeir sóttu um námskeiðið svöruðu flestir að
efnið hefði virst áhugavert og þeir væntu þess að geta sótt sér nýja þekkingu sem
kæmi þeim og skólum þeirra til góða. Einnig var spurt hvernig þeir teldu að nám-
skeiðið kæmi þeim að gagni og eru svörin mjög í samræmi við lýsingar námskeið-
anna. Nokkuð dæmigerð svör eru:
- Að það megi verða til þess að nemendur og ég öðlist meiri tilgang og sjáljsábi/rgð
gagnvart viðfangsefninu og skólanum (Að kenna).
2 SPSS for Windows, Release 7.5 (Nov 1996). Standard version. Copyright (c) SPSS Inc., 1989-1996.
3 QSR NUD*1ST. release V.4.0. Build 1038.
94