Uppeldi og menntun - 01.01.2000, Side 19

SIGRÍÐUR Þ. VALGEIRSDÓTTIR
Lokamarkmið dans og líkamstjáningar ígrunnskóla:
Við lok grunnskóla eiga nemendur að:
- hafa öðlast skilning á hreyfigetu líkamans, möguleikum hans til tjáning-
ar og færni í að beita honum til sköpunar.
- hafa öðlast félagslegt öryggi til þess að tjá hugsun sína, hugmyndir og
tilfinningar í hreyfingu/dansi.
- vera færir um að samhæfa hreyfingar og tónlist og hafa sjálfstraust til að
dansa við algeng danslög.
Skynjun / greining / mat:
- hafa öðlast þekkingu á menningararfleifð eigin þjóðar og annarra í dansi
(bls. 20-21).
Tekið er fram að kennsla í dansi og líkamstjáningu sé í höndum almennra bekkjar-
kennara og sérgreinakennara, svo sem íþróttakennara eða danskennara eftir að-
stæðum. Þá segir að lokum: „Skólar verða að tryggja að allir nemendur geti mætt
lokamarkmiðum grunnskóla í dansi og líkamstjáningu" (bls. 32).
Áður var lítillega vikið að dansi í fyrri námskrám um íþróttir hér á landi en þær
tillögur um markmið sem hér voru kynntar eru frá því síðsumars 1997. Hugmyndir
að ofangreindum markmiðum dansmennta í grunnskólum lagði greinarhöfundur
fram að beiðni nefndar sem sá um endurskoðun aðalnámskrár í listgreinum grunn-
og framhaldsskóla á vegum menntamálaráðuneytisins. í nóvember sama ár komu
saman kennarar sem vel þekktu til einstakra danssviða, ræddu þetta mál og urðu
sammála um að ítreka áðurnefndar tillögur. Þær voru aðeins endurbættar og send-
ar námskrárnefnd um listgreinar í byrjun desember 1997.
Eftirfarandi er síðari gerð þessara tillagna sem efnislega eru óbreyttar en sund-
urliðun aðeins hnikað til.
Tillögur um dansmennt í grunnskóla:
Meginmarkmið dansmennta:
- Nemandi efli sjálfstraust til að tjá hugsun sína, hugmyndir og tilfinning-
ar í hreyfingum og dansi.
- Nemandi efli skynjun og skilning á hreyfigetu líkamans og möguleikum
hans til tjáningar og færni í túlkun eigin verka og annarra.
- Nemandi efli félagslegt öryggi með þátttöku í dönsum eigin þjóðar og
annarra, dansi við aðra eða fyrir aðra. Einnig efli hann sjálfstraust og
öryggi í framkomu og kjark til að taka þátt í almenningsdönsum á hverj-
um tíma.
- Nemandi efli færni í að samræma hreyfingar/dans og tónlist (takt, hryn
og önnur sérkenni og blæbrigði).
- Nemendur auki þekkingu sína á siðum og menningarhefðum eigin
þjóðar og annarra með þátttöku í þjóðdönsum eigin lands og annarra
svo og samtímadönsum ungs fólks.
Eftirfarandi markmið er viðbót við tillögumar en gæti eins fallið undir útfærslu þeirra.
- Nemendur fái aðstöðu til að kynnast tengslum dansins við aðrar náms-
greinar skólans t.d. með samvinnu við aðrar listgreinar en einnig við
bóklegar greinar þar sem það þykir henta.
17