Árbók Háskóla Íslands - 01.01.1958, Page 17

15
að hann líður fljótt. Ég óska þess, að háskólinn megi verða
ykkur kær og hjartfólginn, að þið megið vera stolt af hon-
um og hann af ykkur. Ég óska þess, að þið takið góðan þátt
í félagslífi stúdentanna. Mörg eru þau verkefni, sem ykkar
bíða á því sviði. Nú um nokkra hríð hafa stúdentar vanrækt
um of sín eigin hagsmunamál. Það er auðvitað meinlaust að
skemmta sjálfum sér og öðrum með því að hafa sýndar-póli-
tískar kosningar til stúdentaráðs ár hvert, ef það dragi ekki
dilk á eftir sér. Saga stúdenta síðasta aldarfjórðung er auðug
af mikilfenglegum kosningasigrum, en hún er einstaklega fá-
tæk, allt of snauð af flestu því, sem miðað gæti til þess að
bæta aðstöðu stúdentanna sjálfra, rýmka hag þeirra, efla og
auðga félagslíf þeirra. Ég á bágt með að trúa því, að það sé
eintóm tilviljun, að málum þessum hefir verið svo lítið sinnt
síðan hin pólitíska eyðimerkurganga stúdentaráðs háskólans
hófst, fyrir um það bil 25 árum.
Enginn skilji orð mín svo, að ég sé að amast við því, að
stúdentar láti stjórnmál til sín taka. Slíkt er sjálfsagður hlut-
ur, og auðvitað greinast þeir í flokka um þjóðmálin, bæði í
gamni og alvöru. En þeir mega ekki af þeim sökum vanrækja
sín eigin mál. Þar hljóta þeir að standa saman og velja sér
forustumenn með hliðsjón af því fyrst og fremst, hverjir
þar sé líklegastir til sóknar og sigurs. Stúdentagarðarnir drag-
ast nú ár frá ári með skuldabagga, sem þyngja fast á rekstri
garðanna og gera visfina þar dýrari en vera ætti. Og samtímis
því, sem hér er í bökkum barizt, verður þörfin fyrir nýtt hús-
næði í þágu stúdenta æ brýnni. Hér þarf að reisa nýtt stúdenta-
heimili og félags- eða tómstundaheimili, með öllu sem þar til
heyrir og fegrað gæti og eflt félagslíf stúdentanna og létt undir
með þeim við námið. Þetta er þjóðnytjamál, en þarna hljóta
stúdentarnir sjálfir að hafa forgöngu. Til þess að svo megi
verða þarf nýja forustu, nýja verkaskipan í félagsmálum þeirra.
Ef til vill dylst i ykkar hópi, nýju stúdentar, maður eða menn
á borð við Lúðvig Guðmundsson og fleiri forustumenn i sam-
tökum og framkvæmdum stúdenta, þá sem reistu fyrsta stú-
dentagarðinn, með atbeina fjölda manna um allt landið, er skildu