Árbók Háskóla Íslands - 01.01.1958, Síða 96

94
20. gr.
Á deildarfundum eiga sæti prófessorar deildar og forstöðumenn
vísindastofnana, er lúta deildinni. Háskóladeild er heimilt að ákveða,
að dósentar og lektorar megi sitja deildarfundi og hafa þar atkvæðis-
rétt. Um fundarsetu staðgengla fer eftir því, sem segir í 28. gr. 2.
málsgr., en um fundarsetu stúdenta fer samkvæmt 21. gr.
Nú er f jallað sérstaklega um kennslugreinar dósenta, lektora, auka-
kennara, aðstoðarkennara eða erlendra sendikennara, og skal forseti
þá boða kennara á deildarfund og gefa þeim kost á að ræða það mál-
efni, en atkvæðisrétt eiga þeir ekki, sbr. þó 1. málsgrein, að því er
varðar dósenta og lektora.
Rektor er heimilt að taka þátt í meðferð mála í öllum deildum,
en atkvæðisrétt á hann þó aðeins í sinni deild.
21. gr.
Nú er mál til umræðu á deildarfundi, sem varðar nemendur deild-
arinnar almennt, og skal deildarforseti þá kveðja á fundinn fulltrúa
nemenda, einn eða fleiri, er stjóm deildarfélags nefnir til. Hafa full-
trúamir þar málfrelsi, en eiga ekki atkvæðisrétt.
Stjóm deildarfélags nefnir til einn mann úr hópi stúdenta deild-
arinnar og annan til vara til setu á deildarfundum samkvæmt 1. máls-
gr. í laga- og viðskiptadeild nefnir stjóm í félagi laganema og félagi
viðskiptafræðinema hvor um sig sjálfstætt til menn samkvæmt 1.
málslið. Heimilt er að beita sömu reglu að sínu leyti um tannlækna-
stúdenta og stúdenta, sem leggja stund á lyfjafræði lyfsala, svo og
um stúdenta, er stund nám til B.A.-prófa eftir því, sem nánar verður
kveðið á í samþykktum þeirra háskóladeilda, sem í hlut eiga. Nú er
deildarfélagi ekki til að dreifa, og boðar deildarforseti þá til almenns
fundar þeirra stúdenta, sem nefna eiga til fulltrúa, og skulu fulltrúar
samkv. 1. málslið kosnir á þeim fundi.
Tilnefning fer fram í aprílmánuði ár hvert, en tekur gildi með
byrjun næsta háskólaárs. Stjóm deildarfélags tilkynnir deildarforseta
tilnefningu fulltrúa síns. Deildarforseti boðar fulltrúa stúdenta, þeg-
ar því er að skipta, á fund með sama hætti og aðra þá, er fund sækja,
sbr. 19. gr., 2. málsgr. Nú varðar mál, sem til umræðu er, aðeins til-
tekinn deildarhluta, en ekki annan eða aðra, og skal þá ekki kveðja
fulltrúa hins deildarhlutans eða hinna. Ef mál varðar deildina í heild,
skal hins vegar kveðja fulltrúa beggja eða allra deildarhluta.
Deildarfundur sker úr því hverju sinni, hvort tiltekið mál, sem er
til umræðu, sé þess konar, að fulltrúi deildarstúdenta eigi að fjalla
um það.
Fulltrúi stúdenta er þagnarskyldur um það, sem gerist á deildar-