Árbók Háskóla Íslands - 01.01.1958, Side 125

123
eða standist það ekki. Þegar stúdent er skráður til lokaprófs, skal
hann greiða gjald fyrir prófskírteini, en það gjald skal endurgreiða
stúdent samkvæmt ósk hans, ef hann lýkur ekki prófinu. Háskóla-
ritari veitir gjöldum þessum viðtöku, og renna þau til prófgjalda-
sjóðs.
Prófgjald er 100 krónur og prófskírteinisgjald er 100 krónur.
d. Heimild til aö þreyta próf af nýju.
61. gr.
Nú stenzt stúdent ekki próf, gengur frá því, eftir að hann hefur
byrjað próf, eða kemur ekki til prófs og hefur þó ekki boðað forföll.
Er honum þá heimilt að þreyta prófið af nýju innan árs. Standist
hann þá ekki prófið, gangi frá því eða komi ekki til prófs án þess
að boða forföll, hefur hann fyrirgert rétti sínum til að ganga oftar
undir það. Háskóladeild getur þó veitt undanþágu frá ákvæðum þess-
arar málsgreinar, ef sérstaklega stendur á.
Ákvæðin í 1. mgr. um heimild til að þreyta próf af nýju gilda þó
ekki, ef stúdent hefur gengið frá prófborði í munnlegu prófi, áður
en prófandi leyfir.
Stúdent er heimilt að endurtaka próf, sem hann hefur staðizt, ef
það er gert í tæka tíð samkvæmt ákvæðum þeim, er gilda um tíma-
bil milli prófhluta. Nú byrjar stúdent prófið, og fellur þá fyrra próf
í grein eða prófhluta úr gildi. Þar sem flokki greina er skipað saman
í prófhluta, verður stúdent að taka upp próf í öllum greinum próf-
hlutans, ef hann vill ekki una fyrra prófi.
Nú óskar kandídat að taka upp próf að nokkru eða öllu, og gilda
þá einnig ákvæði 3. málsgreinar, þó svo að kandídatsprófið heldur
gildi sínu, ef kandídat byrjar á prófi af nýju, en lýkur því ekki.
e. Um prófstjórn og hagi prófmanna.
62. gr.
Rektor ræður prófstjóra, sem annast undirbúning og stjóm prófa.
Prófstjóri ræður prófverði í samráði við rektor.
Stúdentum, sem í prófi eru (prófmönnum), er óheimilt að aðstoða
aðra prófmenn við prófúrlausn eða leita aðstoðar annarra. Skrásett-
um stúdent, sem ekki er í prófi, er einnig óheimilt að veita slíka að-
stoð. Prófmönnum er óheimilt að tala saman, og þeir mega ekki hafa
aðrar bækur eða gögn með sér en þau, sem deild þeirra leyfir, og
skulu gögn þessi könnuð, áður en próf hefst. Prófmenn mega ekki
heldur fá léðar bækur, sem leyfðar eru, hjá öðrum þeim, sem í prófi
eru. Brot gegn ákvæðum þessum og öðrum prófreglum, sem háskóla-