Hlín - 01.01.1931, Síða 79

' HUn 77
grein lifandi með því að tengja hana svo sem hægt er
við matarfræði og matargerð. -
Rjett þótti að gefa nemöndum kost á kenslu í einu
erlendu máli. Á 2ja vetra húsmæðraskóla ætti að vera
hægt að veita þá tilsögn í einu erlendu máli, er nægði
til þess að geta lesið ljettar bækur og væri nægileg
undirstaða sjálfsnáms, er skólanum slepti’. • 1
Með söngkenslunni viljum við glæða ást nemenda á
söng yfirleitt, ekki síður einrödduðum en margrödduð-
um. Samhliða söngnum glæðist ljóðaástin og er hvort-
tveggja jafn-nauðsynlegt uppeldisstarfi þeirra síðar
meir. ,
Enn sem komið er á skólinn - engan leikfimissal.
Samt þótti rjett að reglugerðin mælti svo fyrir, að
leikfimi skyldi kend. Ef skólinn á fyrir sjer að þróast
og blómgast, hlýtur leikfimishús að verða reist. Gæti
leikfimissalurinn þá jafnframt orðið notaður sem sam-
komusalur skólans, er einnig er vant.
Fyrirlestrarnir eru ætlaðir sameiginlegir báðum
deildum, og verða um efni, sem ekki vinnist tími til að
kenna sem fastar námsgreinar við skólann. Er til þess
ætlast, ,að þeir geti í senn orðið nemöndum til vakning-
ar og fræðslu.
Þá er verklega kenslan. Hún skal í öllum greinum
miðast við kröfur fámenns sveitabúskapar. f allri
verklegri kenslu skólans verður að hafa í huga hið
raunverulega líf, lífið eins og því er lifað út um byggð-
ir landsins. Markmið þessarar kenslu er: aö ljetta hús-
mæðrum störfin með því að kenna stúlkunum betri og
hagkvæmari vinnuaðferðir, notkun ýmsra vinnutækja
og leikni í algengum, daglegum störfum, að venja
nemendur á sparsemi og holla og einfalda lifnaðar-
háttu. — Mestur vandi húsmæðraskólanna felst í því,
að samræma gamalt og nýtt, samræma innlenda
reynslu erlendum áhrifum og uppfindingum. Að litlu