Hlín - 01.01.1931, Blaðsíða 119

Hlln
117
Frá Kvenfjelagi Gerðahrepps i Gidlbringusýslu: —
Fjelagið var stofnað 7. des. 1917, og var þá ákveðið að
tilgangur fjelagsins skyldi vera sá að hjálpa fátækum
og veikum á ýmsan hátt og prýða sóknarkirkjuna (Út-
skálakirkju). Það höfum við gert dálítið. Við höfum
gefið henni altarisklæði, 2 ljósahjálma og ofn. Þegar
kirkjan var máluð, lögðum við 450 kr. í þann kostnað
og lánuðum 500 kr. — Fátæku fólki höfum við gefið
talsvert af peningum og fatnaði. — Einn vetur kost-
uðum við unglingaskóla hjer í Garðinum, en því miður
lagðist hann niður aftur fyrir þátttökuleysi.
Frú Anna Eggertsdóttir í Laugarási í Biskupstwug-
um skrifar 1929: — Vel hefur garðyrkjan gengið hjer
í sumar, jeg hef 17 tegundir í garðinum mínum, sem
flestar hafa náð fullum þroska, og sumar ágætum, t. d.
blómkál, hvítkál og gulrætur. Yndislegt verk er það að
annast »blömgaðan jurtagarð«. — Jeg á næstum enga
ósk heitari en þá, að mjer mætti auðnast að vekja á-
huga og þekkingu á þeirri atvinnugrein hjerna, því
það er ekkert smáatriði, það hefur stórt menningar-
legt gildi og eykur vellíðan manna mjög. — Það er ó-
mælt, það sem garðurinn hjerna hefur hjálpað til að
fæða fólkið mitt í sumar. Margan dag hef jeg ekki
matreitt annað en grænmeti úr garðinum mínum, og
allir hafa fengið sig sadda og þótt maturinn góður og
fallegur.
Sjálfsagt gæti Árnessýsla ein ræktað nóg grænmeti
handa allri þjóðinni, þótt hún kynni miklu meira að
nota það en nú gerist. Þá þyrfti fólk ekki að kaupa það
myglað og skemt l'rá útlöndum, og væri þá strax stig-
ið spor í rjetta átt. Þetta er stórmál, sem kvenfje-
lögin verða að gera meira fyrir. Hver einasta kona
þyrfti að kunna að matreiða græmneti.
Jeg hef selt dálítið af grænmeti til Reykjavíkur, hef-