Morgunn - 01.06.1935, Qupperneq 16

10
MOEGUNN
í sambandi við hinar hlutrænu sannanir er vitanlega
rétt að geta »andamyndanna« svonefndu eða hinna dul-
rænu ljósmynda. Um þær hefir »Morgunn« flutt ítarlega
ritgerð og hann hefir m. a. flutt okkur sálræna mynd, og
nákvæmar lýsingar af öllum aðstæðum, er hún var tekin,
mynd, sem eg hygg að við séum öll sammála um að sé
af vini okkar og fræðara síra Har. Níelssyni. Algengasta
mótbáran gegn sönnunargildi hinna sálrænu ljósmynda er
sú, að vel sé hugsanlegt, að sterk hugsun manns geti
skapað hugmynd sinni efnisbúning, sem ljósmyndaplata í
ljómyndavél geti tekið mynd af, enda þótt mannsaugað
sjái hugarmyndina ekki. Það er vitað að vel gerð ljós-
myndaplata er næmari fyrir áhrifum ljóss en mannsaugað
og þess vegna er hlaupið að því að fullyrða, að sálrænu
myndirnar séu af hugsunum mannsins, þær geti haft slík
áhrif á efnið. En þessi fullyrðing, þó hún sé tekin gild
— ósönnuð held eg að hún sé, — gefur þó enga skýringu á
þeirri tvímælalausu staðreynd, sem bygð er á marg-endur-
teknum tilraunum, að myndir nauða-Iíkar framliðnum
mönnum geta komið og hafa hvað eftir annað komið á
ljósmyndaplötu, sem umbúðirnar eru ekki teknar af og er
því aldrei sett fyrir áhrif ljóssin. Fyrir milligöngu »Morguns«
þekkjum vér slík dæmi, vel vottfest og andstæðingar hinn-
ar spiritistisku skýringar hafa — svo eg viti til — enga
skynsamlega skýring getað gefið á þeirri staðreynd; ekki
hefir þess þó verið látið ófreistað.
Eg gat þess í upphafi orða minna að frá upphafi hafi
»Morgni« verið haslaður sá völlur, að hann gæti haldið
sálarrannsóknamálinu hér hjá okkur á skynsamlegum og
heilbrigðum sannanagrundvelli; þess vegna er það, að lang-
mestur hlutinn af efni hans er bundinn þeim tveim höfuð-
greinum sannananna, hugrænum og hlutrænum, sem eg hefi
verið að minnast lauslega á, en á liðnum 15 árum hefir
hann all-rækilega sagt þjóðinni frá ýmsum staðreyndum
öðrum, sem ekki verða skildar frá þessu höfuðverkefni