Morgunn - 01.06.1935, Side 18

12
MORGUNN
um, komst þangað og sá strax miðilinn, mann hennar og
konu, sem hún þekti ekki, aðra sá hún ekki en fann að
fleiri voru þar fyrir. Hún reyndi lítillega að gera vart við
sig með snertingum og stefndi síðan að lúðrinum, sem
margir framliðnir voru að reyna að tala i gegnum. Um-
sjónarmaðurinn benti henni að fara burt og sagði: »Þú
ert jarðnesk!« Hún skýrði honum frá, hvers vegna hún
væri komin, þá lét hann henni eftir lúðurinn, en lét hana
tala inn í víðara endann, gagnstætt við þá framliðnu og
hún mælti: »Eg er hér. Þetta er frú Vlasek. Það er mjög
heitt þar sem eg er. Eg er enn í Arizona«. Síðan hvarf
hún til likama síns og vaknaði.
Frú Vlasek skrifaði niður það sem hún mundi, þegar
hún vaknaði og var það samhljóða því sem fólkið á fund-
inum varð vart við. Miðillinn sá hana með skygni sinni,
maður miðilsins fann snerting hennar, en það skemtilegasta
var að kona ein skygn, sem á fundinum var, sá hana og
varð dauðhrædd, hún vissi ekkert um að tilraunin ætti að
fara fram og hélt að frú Vlasek væri dáin og hefði orðið
fyrir járnbrautarslysi.
Kvöldið eftir átti hún að reyna að líkama sig hjá
líkamningamiðli. Hún lagðist fyrir í járnbrautarklefa sínum,
fór úr likamanum og stefndi á fundarstaðinn. Það er ekki
tími til að fara nánar út í þá stórmerkilegu frásögn í kvöld;
mörg ykkar kannist líka vel við hana. Eftir mestu kynja-
æfintýri með hinum framliðnu, sem komriir voru til að
reyna að líkama sig, og stjórnendunum, tókst frú Vlasek
að líkama sig, svo að hún varð fundarmönnum bæði sýni-
leg og þekkjanleg og auk þess gat hún talað til þeirra,
gefið sig til kynna og mint þá á að gá vel að, hvað klukk-
an væri. Fundarfólkinu varð það svo mikill fögnuður,
hversu vel tilraunin tókst, að það sendi henni símskeyti
strax, í þakkarskyni.
Síðan eg fór að hugsa nokkuð verulega um sálræn
efni, hefir mér ekki dulist hve geysilega merkilegar sál-
farirnar eru, en þessar tilraunir frú Vlasek og félaga henn-