Íslenskt mál og almenn málfræði - 01.01.1996, Blaðsíða 223

Orð og orðfræði
221
HELGI HARALDSSON
Norræn orðabók um orðabókafrœði.
Tegundir orðabóka
1. Inngangur
1.1 Norrœnt samstarf
Árið 1992 var á vegum Norræna orðabókarfræðifélagsins (NFL, þ.e.
„Nordisk forening for leksikografi“) hafið að semja verk sem á norsku
nefnist Nordisk leksikografisk ordbok (NLO) eða Norrœn orðabók um
orðabókarfrœði (sjá Helga Haraldsson 1995a). Þessu verki lauk í maí
1997 og var bókin kynnt á ráðstefnu norrænna orðabókarfræðinga í
Esbo við Helsinki dagana 21.-24. maí. Utgefandi er Universitets-
forlaget í Osló.
Þau sem borið hafa hita og þunga þessa verks eru próf. Henning
Bergenholtz (Handelshojskolen i Árhus), þau Dag Gundersen og Ruth
Vatvedt Fjeld við Norrænudeild Óslóarháskóla, Bo Svensén við
Sænsku vísindaakademíuna, Jón Hilmar Jónsson fræðimaður og rit-
stjóri við Orðabók Háskólans, og Ilse Cantell við forlagið Werner
Söderström O. Y. í Helsinki. Auk þess hafa margir aðrir komið hér við
sögu, svo sem Sigurður Jónsson frá Arnarvatni, Hans Kristian Mikk-
elsen, Jaakko Sivula og undirritaður, sem einkum hefur átt þátt í að
finna fræðiheitum íslenskar nafngiftir.
1 bókinni eru urn þúsund íðorð, flest (á áttunda hundrað) með skil-
greiningu og/eða skýringum; millivísanir upplýsa um samheiti, nær-
heiti, andheiti o. s.frv.
Bókin á að vera bæði málbeitingarorðabók („produksjonsordbok")
og skilningsorðabók (,,resepsjonsordbok“) við samningu og lestur
norrænna texta, og skilningsorðabók gagnvart textum á ensku, þýsku
og frönsku. Henni er ætlað að miðla fróðleik og auka færni í orðabók-
arfræði almennt og vera handhægt uppsláttarrit og reiðubúinn skutil-
sveinn þeirra sem hafa gert orðabókarfræði og orðabókargerð að aðal-
starfi.