Tímarit Þjóðræknisfélags Íslendinga - 01.01.1939, Blaðsíða 137

110
TfMARIT ÞJÓÐRÆKNISFÉLAGS ÍSLENDINGA
júní. Nú hefir þetta legið í dái síðan um
jól. En í janúar tóku nokkrir af Karla-
kór þeim er Ragnar æfði hér í fyrra, sig
saimian um. að fara að byrja á æfingum,
og hafa haldið þvi uppi einu sinni í viku
síðan. Hafa nú myndað félagsskap með
sér, og eru um eða yfir 20 gengnir í það.
Allir úr Mountain-bygð. 'Stjómandi
flokksins er Jónatan Björnsson og pianisti
Miss Katherine Arason.
Það sem okkur vanhagar nú um mest,
er allgott piano, sem við gætum sjálf
ráðið yfir, að öllu leiiti. Skyldi Báran
mega vænta inokkrar hjálpar frá aðalfé-
laginu til þeirra kaupa?
Eins og ykkur er öllum kunnugt voru
samkomur herra Jónasar Jónssonar, sem
hann hélt hér í ísl. bygðinni, að nokkru
leyti undir umsjón deildarinnar Báran, en
þó ekki hvað tímann snerti. Hefðum við
mátt ráða því, þá hefðu hans samkomur
ekki verið hafðar fyr en einni til tveim
vikum seinna, og þá hefu þær verið betur
sóttar, en raun varð á. Ekki þarf að
f jölyrða um hvað kærkominn gestur hann
var öllum sem sáu hann og hlustuðu á
mál hans, en einkum og sér I lagi þeim
er gátu kynst honum persónulega. Minn-
ingarnar um komu hans hingað munu
lengi lifa hjá þeim sem nokkru íslenzku
unna.
Einn skemtifund hafði deildin s. 1.
haust, og rnátti hver félagsmaður bjóða
einum eða fleirum af kunningjum sínum
þangað.
A árinu hafa verið haldnir 4 lögákveðnir
fundir, 2 aukafundir, og 2 stjórnarnefnd-
arfundir. — Inntektir deildarinnar á ár-
inu urðu $323.68 og útgjöld $308.48. I
sjóði við árslok $14.90.
Viðvikjandi tilsögn í íslenzku mætti
ennfremur geta þess að Haraldur Sigmar
Jr., miðskólakennari á Muontain, bauðst
til að veita tilsögn í ísl. málfræði tvisvar
i viku ef Báran vildi kaupa bækur þær
sem brúkaðar eru við kenslu í þeirri grein
við Ríkisháskólann okkar. Bækumar
voru keyptar, og 9 eða 10 nemendur
fengust af miðskóla stúdentum, og var
haldið uppi kenslu öðru hverju fram um
miðjan des., en síðan ekki söguna meir,
einhverra orsaka vegna; þó er búist við
að byrjað verði bráðlega aftur.
Svo óskar Báran Þjóðræknisfélaginu
allrar mögulegrar blessunar á þessu ný-
byrjaða ári og heppilegra úrslita allra
þingmáia. — Og helzt þar með að félagið
sæi sér fært að færa þingtíma fram að
sumarmálum, á næsta ári.
Virðingarfylst,
Fyrir hönd deildarinnar Báran,
Thorl. Thorfinnson skrifari
Ásm. P. Jóhannsson og Dr. Beck lögðu
til að þessu skýrsla sé viðtekin með þökk-
um. Samþykt.
Önnur tillaga A. P. J., studd af Sig.
Vilhjálmss. að þessari deildarskýrslu sé
vísaö til næsta árs stjómamefndar til í-
hugunar. Samþykt.
Viðvíkjandi sendingu skeyta til Islands,
sem ritara var falið að senda, en hafði
ekki unnist tími til vegn þinganna, bauðst
Mrs. B. E. Johnson til að vélrita þau og
fá þau telegraf félaginu í hendur, og var
það þegið með þökkum.
I þessu sambandi las Dr. R. Beck á ný
öll heillaóskaskeytin ’og svörin við þeim
fyrir þá fulltrúa er komið höfðu síðan
fyrsta þingdag.
Tillaga A. P. Jóhannssonar og Mrs.
Byron, að þingið þakki forseta Fróns og
öllum, sem að móti þeirra studdu, ágæta
skemtun, — samþykt í einu hljóði.
önnur tillaga A. P. J. studd af séra
Jakob Jónssyni, að þakka forstöðumanni
G. T. hússins, umsjónarmanni, og gæzlu-
manni ágæta umönnun, — samþykt.
Var þá tekinn fyrir seinni liður siðustu
greinar samvinnunefndarálitsins, og les-
in endursamin mynd hans. Tillaga dr.
Beck og A. Aggertss, að samþykkja hann
eins og hann nú var lesinn, — samþykt.
Nefndarálitið síðan borið undir atkvæði
í heild og samþykt með áorðnum breýt-
ingum. Tillögumenn séra Jakob og Sig-
Vilhjálmsson.