Tímarit Þjóðræknisfélags Íslendinga - 01.01.1939, Qupperneq 140

TUTTUGASTA ÁRSÞING ÞJÓÐRÆKNISFÉLAGSINS
113
G. Levy og Gminbj. Stefánsson lögðu
til að útnefningu væri lokið, — var það
samþykt og þessir þrír kosnir.
Ný mál
Dr. Beck skýrði frá gerðum Þingmála-
nefndar og lagði fram áskorun frá 13
mönnum um söfnun og ritun Landnáms-
sögu Vestur-Islendinga.
“Prá þvi Þjóðræknisfélagið fyrst var
stofnað og alt til þessa dags hefir því
verið hreyft öðru hvoru, bæði utan þings
og innan að eitt aðal nauðsynja- og
skyldustarf félagsins væri það að gangast
fyrir útgáfu á landnámssögu Islendinga
vestan hafs.
Nú eru tuttugu ár liðin án þess að af
nokkrum verulegum framkvæmdum hafi
orðið í þessu máli. Væri það þvi vel við-
eigandi að því yrði hrundið af stað á
þessu tuttugasta ársþingi og starfið hafið
nú þegar.
Eftir því sem lengra líður verður verkið
erfiðara ,og með hverju ári hverfa menn
og konur úr hópnum, sem ýmsum gögnum
hafa yfir að ráða — og gögnin þannig
glötuð. Sérstaklega á þeftta við um ýmis-
legt það er fólk geymir í minni sér og
hvergi er skráð, en margt af því er ómet-
anlega mikils virði.
Nú vill svo vel til að hér er staddur vor
á meðal maður sem bæði hefir tíma,
hæfileika og fullan vilja til þess að leysa
þetta vandaverk af hendi vel og sómasam"
leg. Vér eigum hér við skáldið og rithöf-
undinn Þ. Þ. Þorsteinsson. Með sínum
ágætu bókum “Vestmenn” og Brazilíu-
sögunni hefir hann sýnt það og sannað að
hann er í fylsta máta hæfur til þess
starfs; bækur hans njóta almennra vin-
sælda og hylli.
Vér leyfum oss því að leggja það til
að Þjóðræknisfélagið byrji nú þegar á
þessu starfi og leiti liðs og samvinnu
allra Vestur-Islendinga, utan félagsins
jafnt sem innan, og að það kjósi á þessu
þingi gérstaka níu (9) manna nefnd með-
lima sinna er heimilað sé að bæta við
tölu sína jafn mörgum völdum mönnum
utan félagsins.
Winnipeg, 21. febrúar 1939.
Soffanías Thorkelsson
J. K. Jónasson
Davið Bjömsson
G. Ámason
S. Pálmason
H. Arnason
Karl Jónasson
Sig. Júl. Jóhannesson
S. ólafsson
E. Fáfnis
B. Dalman
Hjálmar Gíslason
Sigurður Sölvason
Alllangar umræður spunnust út úr þess-
ari áskorun og tók fjöldi þingmanna þátt
í þeim. Gerði Ari Magnússon tillögu, er
séra Guðm. Ámason studdi, að þessu
máli sé visað til sögunefndar þeirrar, er
áður hafði verið kosin. Var þetta rætt
af nokkm kappi með og móti, unz Ámi
Eggertsson og B. Dalmann gerðu breyt-
ingartillögu að kosin sé 9 manna nefnd,
eins og áskomnin fór fram á. Var hún
samþykt, og féll hin þar með úr sögunni.
V’oru þá tilnefndir þessir menn:
Séra Vald. Eylands, séra Jakob Jónsson,
Soph. Thorkelsson, Dr. Sig. Júl. Jóhannes-
son, Dr. Richard Beck, Sveinn Pálmason,
J. K. Jónasson, E. P. Jónsson, ritstj. og
séra R. Marteinsson.
Hjálmar Gíslason og J. Húnfjörð lögðu
til að útnefningum sé lokið. Samþykt,
og þessir 9 menn kosnir.
Tillaga Dr. Sig. Júl. Jóhannessonar og
Sig. Vilhjálmssonar, að nefndinni sé heim-
ilað að bæta við sig þeim mönnum, sem
þeir álíti sér í hag. Samþykt.
Tillaga Dr. Sig. Júl. Jóh. að nefndinni sé
falið að koma saman nú þegar og ráða
fram úr hvað hún geti gert, — sé henni
falið að ráða skáldið Þ. Þ. Þorsteinsson,
ef hann sjái sér fært að vinna verkið.
Sveinn Pálmason studdi og urðu allmikl-
ar umræður.