Nýtt Helgafell - 31.12.1959, Page 24

154
HELGAFELL
Fimm árum eftir að ég kom til Kaup-
mannahafnar kynntist ég frú Fonnesbeck-
Sandberg, sem var einskonar njósnari um ung
málaraefni. Hún sá sein sé út rekadrumbana,
hvort væru seljur eða kjarnviðir. Það var
gaman að kynnast kerlingunni, þó slettist upp
á vinskapinn, en síðar greri aftur um heilt.
Ég held samt það eftirminnilegasta sem
gerðist í Höfn hafi verið byrjunin í Lista-
háskólanum. Maður átti ekki því að venjast
að hafa fyrir augum klassiska fegurðina í
þessum nöktu fyrirsætum, en þarna var kven-
mannskjöt eins og það kom fyrir af skepn-
unni í ríkum mæli og þetta vorum við látnir
mála daginn út og daginn inn. Mér fannst
það hátíðlegt að ganga inn á vinnustofuna
á Charlottenborg og mega eiga von á því,
að þar biði mín nakin fegurðin og mætti
ég mála sætleik hennar inn að sálinni. Enn
hef ég þó ekki skilið tilganginn með þessari
pornógrafíu listaháskólanna, en þetta var há-
tíðleg stund, ég skal lofa þér því.