Tímarit Máls og menningar - 01.12.1970, Side 3

TÍMARIT MÁLS OG MENNINGAR . 31. ÁRG. 1970
HEFTI . DES.
Til lesenda
Um leið og ég læt af ritstjórn þessa tímarits vil ég beina til ykkar nokkrum
kveðjuorðum.
Ég biðst í fyrsta lagi afsökunar á því að við höfum aldrei sýnt því þá alúð
sem vert hefði verið, aldrei einbeitt okkur að ritstjórn tímaritsins heldur
dreift kröftunum í ýmsar áttir, að öðru útgáfustarfi, auk þess sem við höfum
einatt verið fáliðaðir. Fjármagn hefur skort sí og æ og þar með starfskrafta
sem helgað gætu sig ritstjórninni óskiptir, og auðvitað hefur það orðið að
gjalda þess og aldrei verið eins og við hefðum bezt á kosið.
Við ætluðum þessu tímariti eins og Rauðum pennum áður að vera þjóð-
inni leiðsögn í bókmenntum og veita henni aukinn skilning á samtíðinni,
en það hefur víst margt skort á að þeirri stefnu hafi verið fylgt eftir. Hins-
vegar tel ég að tímaritið hafi gefið spegilmynd um langt skeið af flestu því
bezta í samtíðarbókmenntum eða því sem hefur þegar reynzt og reynast mun
varanlegast í skáldskap þessa tímabils, hefur haft frábærum rithöfundmn á að
skipa og flest hinna beztu skálda hirt hið fyrsta eftir sig á síðum tímaritsins
eða í Rauðum pennum áður. Annars er það ekki mitt að dæma um tímaritið.
Það verður sjálft að bera sinn dóm með sér.
Annað er mér efst í huga á þessari stundu, að bera fram þakkir mínar
til samstarfsmannanna allra á löngum ferli, meðritstjóra minna, rithöfund-
anna allra og skáldanna sem gert hafa tímaritið að því sem það er, til félags-
manna Máls og menningar sem haldið hafa við það og félagið sjálft óslit-
inni tryggð.
Það getur ekki héðan af orðið neins að sakna þó að ég láti af ritstjórn
13 tmm 193