Tímarit Máls og menningar - 01.12.1973, Qupperneq 79

Kirkjubygging Matthíasar Jochumssonar í Odda
St[addur] á Breiðabólsstað 5 marz 1833.1
Háttvirti, elskaði vinur!
Guð launi þér alla þína hjálp og velvild - væri ég ekki önnum og vandræð-
um kafinn, gæti ég varla þakkað þér nema kveðandi, syngjandi og spilandi.
En — alvaran tekur fyrir minn munn. -
Ég meðtók nú með pósti þitt ágæta bréf: í flj ótu máli geng ég með mestu
þökkum að öllu - teikningin líkar mér ágætlega — nema okkur prófasti þykir
betra, ef ég get sloppið við innanþiljur, gólf, stóla, stól, sæti og altari, allt
það má nota úr gl. kirkjunni. Járnþak endilega, en ekki pappþak. Berðu
alúðarkveðju mína herra Bald; mér er stór ánægja að vita hann í verki með,
hefði ég mátt kjósa mann með þér, þá var það hann. Kirkjan, ef hún kemst
upp, kemur eflaust með 2-3000 kr. á minn vasa, en bara hún komist upp, þá
er ég ánægður. Ó hvað ég skal þá gleðja mig eftir alla mína þraut - og það
kirkjuna þína.
En nú kemur slæmt atriði: Ég sendi biskupi bréf meðan póstur var fyrir
austan og bað hann útvega Oddakirkju 1000 kr. lán (póstávísun) til þín
með þessari ferð. Hann skrifar mér fyrst í dag (og því er ég hér, og sendi
með þetta bréf í nótt eftir pósti) og segist gjöra sitt bezta til, en vissu fái
ég ekki með þessari ferð, því landshöfðingi sé ekki búinn að svara sér. Þó
húumst við prófastur við að þeir herrar sendi þér þessar 1000 kr. + þeim
1250 kr., sem kirkjan á í sparisjóði. En skyldi lán þetta bregðast, hvað svo?
Þá hef ég engin ráð með þessari ferð. Verst er þá, ef smíðið skyldi vera
byrjað, fragtað skipið etc.
Ég sendi vottorð2 frá viðkom[andi] prófasti um status kirkjunnar, og ég
treysti þér sem bróður eða betur til að reyna hvort í því versta tilfelli þ[eir]
herrar Muus vildu ekki upp á það og fyrir þín orð lána kirkjunni það sem
biskup ávísar of lítið. Mér datt í hug að skrifa Fischer3 og Lefolii, en hef
ekki tíma til þess, enda vil ég í síðustu lög eiga við nokkurn nema þig með
það allt saman. Ef kirkjan á að komast upp í sumar, þarf hún að koma sein-
ast í maí.4 Bezt er að hún komi á Bakkann, og sóknarmenn lofa öllu góðu að
1 Á Breiðabólsstað í Fljótshlíð var héraðsprófasturinn, Skúli Gíslason. Mun hann hafa
rekið á eftir um kirkjubygginguna, sjálfsagt í og með til að bjarga lausafé Odda-
kirkju í fasteign.
2 Sjá hér á eftir.
3 Fischer var kaupmaður í Reykjavík.
4 Þ. e. í síðasta lagi í maí.
285