Tímarit Máls og menningar - 01.04.1983, Qupperneq 84

Tímarit Mdls og menningar
Allt fram á síðasta ár hafa prentarar sem skila ritvélarletri verið dýrir og
hefur því verið algengast að nota svokallaða nálaprentara, sem skrifa með
því sem oft er kallað tölvuletur (mynd 2). Nýlega kom á markaðinn prentari
með ritvélarletri sem er mun ódýrari en fyrri prentarar af þessari gerð, og er
þess að vænta að slíkir prentarar muni á næstu misserum leysa nálaprentar-
ana af hólmi í almennum ritvinnslukerfum.
Fæst ritvinnslukerfi getur maður borið með sér, til þess eru þau of þung
og fyrirferðarmikil. Þó eru til tölvukerfi, sem eru á stærð við saumavél, en
skjár þeirra er eðlilega lítill. Við þetta kerfi má hinsvegar bæta stærri skjá
þegar um samfellda vinnu er að ræða. Slík kerfi henta þeim sem þurfa oft að
flytja það með sér.
Eins og að framan getur er verð ritvinnslukerfanna um þessar mundir 50
til 100 þúsund krónur, eða um helmingur af verði bifreiðar. Fyrir marga er
það trúlega góð fjárfesting að kaupa nú þegar slíkt kerfi. Því er orðið
tímabært fyrir þá, sem vinna nokkuð stöðugt við skriftir, að fara að kynna
sér möguleika ritvinnslutölvanna og verð þeirra.
5. Líklegar nýjungar í ritvinnslutækni
Lítið hefur enn dregið úr hinni öru þróun í rafeindatækninni. Tölvukerfin
verða sífellt fjölhæfari og áreiðanlegri og verð þeirra lækkar jafnt og þétt. Eg
vil enda þessa grein með því að ræða nokkuð þróun ritvinnslutækja á næstu
5—8 árum og byggi þá fyrst og fremst á því sem þegar er tæknilega mögulegt
en hefur ekki enn verið nýtt.
Miklar endurbætur munu verða gerðar á segulskífutækjum. Þær skífur,
sem nú eru mest notaðar í borðtölvum, geta geymt 50-100 vélritaðar síður,
en eftir nokkur ár verður geymslurýmið trúlega komið upp í 500 síður. Enn-
fremur verður trúlega einnig farið að nota minni skífutæki fyrir ferðatölvur.
Enn meiri framför tel ég að verði í framleiðslu prentara með leturskífum.
Rafmagnsritvélar framtíðarinnar verða ekki með kúlu eða leturörmum eins
og nú, heldur með leturskífum. Ritvélarnar verða örtölvustýrðar og þær
munu hafa suma möguleika ritvinnslutölvunnar, og verða því ekki skörp
skil milli ritvéla og ritvinnslutölva er fram líða stundir. Þegar fjöldafram-
leiðsla hefst á skífuritvélum, sem er ætlað að keppa við almennar ritvélar,
mun þetta hafa mikil áhrif á verð og úrval skífuprentara, verðið mun lækka
verulega en gæði og fjölhæfni þeirra aukast.
Ahugaverðust held ég þó að þróunin verði í mjög einföldum ritvinnslu-
tölvum. Þessar tölvur munu sýna nokkrar línur af textanum í „glugga“, þar
sem stafirnir eru myndaðir með deplamynstri (mynd 3). Þessar fyrirferðar-
litlu ritvinnslutölvur munu verða áþekkar því tæki, sem sýnt er á mynd 3,
202