Són - 01.01.2005, Page 151
UM LJÓÐABÆKUR UNGSKÁLDA FRÁ ÁRINU 2004 151
ljóð sem eru sannast sagna hálfgerður vaðall en hitta oft í mark. Mörg
ljóðanna eru lítið annað en skissur eða hráar hugmyndir, sjaldnast
mælsk en hnyttin og ganga iðulega fram af lesandanum. Samsláttur
hins óhugnanlega og yfirborðslegs fjölmiðlaskrums er einkennið á
nokkrum bestu sprettum bókarinnar:
Þeir voru sjö í allt.
Þrír eða fjórir nauðguðu henni gróflega.
Einn mannanna hafði það hlutverk að
halda henni niðri.
Mennirnir hegðuðu sér dýrslega og
þegar nauðgunin var afstaðin
yfirgaf hún herbergið
við hlátrasköll þeirra.
Sendu inn sms-skeytið Getz á
númerið 1919.
Þú færð spurningu til baka.
Ef þú svarar rétt fer gsm
númerið þitt í pottinn og þú
gætir unnið frábæran rauðan Hyundai
Getz frá B&L til eigin
afnota í eitt ár.12
Hér er að vísu ekkert nýtt á ferðinni, miklu fremur hugvitssamlega
uppfærðar útgáfur af kunnuglegum stefjum. Margt minnir á elstu
verk Ísaks Harðarsonar, einkum Ræflatestamentið, og eitt ljóð eftir Dag
Sigurðarson („Mynd eftir barn“) fær að fljóta með í Grillveðri í október
næstum óbreytt (bls. 36–37). Áhrif má eflaust sjá víðar að, splatter-
kvikmyndir og sjónvarpsþættir á borð við South Park eru í seilingar-
fjarlægð.
Grunntónninn í Grillveðrinu er öfgakenndur, vestrænn karlkyns
hroki: „Ó! Heimurinn virðist syngja / þegar maður er hvítur, hraust-
ur, / stöndugur myndarlegur, / gagnkynhneigður, vestrænn karlmað-
ur“ (bls. 37). Húmorinn er kolsvartur og kaldhæðnin svo yfirgengileg
að sú spurning vaknar jafnvel við lesturinn hvort hér sé í raun ekki
kaldhæðni á ferðinni heldur talað í fullri einlægni. Höfundurinn hefur
12 Óttarr M. Norðfjörð (2004:21).