Són - 01.01.2005, Page 152

HJALTI SNÆR ÆGISSON152
sjálfur gert því skóna að hann viti stundum hreinlega ekki hvort hann
sé að gagnrýna ástandið sem hann lýsir í ljóðum sínum eða taka
undir það. 13
Í maí 2005 var Þú veist hvernig þetta er valin áhugaleiksýning síðasta
leikárs og af því tilefni settar upp tvær sýningar á stóra sviði
Þjóðleikhússins. Lesa mátti í blöðum að ófáum sýningargestum hafi
þar hreinlega ofboðið og gengið út. Að sama skapi má reikna með að
Grillveður í október höfði ekki til allra, og sennilega ekki nema fárra.
Bókin er kraftmikil þótt tónninn sé stundum dálítið þvingaður og
áreynsla höfundarins við að hneyksla lesendur sína of áberandi.
Bókin er fyrst og fremst áhugaverður vitnisburður um fyrirbæri eins
og upplestrarkvöld Nýhils, frökk en ekki sérlega eiguleg, enda þolir
hún illa að vera lesin oft.
6. Nú er ofurhetjan dáin
Í Grillveðri Óttars M. Norðfjörð kemur eitt ljóðanna fyrir tvisvar sinn-
um (bls. 9 og 29). Í seinna skiptið stendur „(e)“ fyrir aftan ljóðið.
Ljóðið felur þannig í sér vissa færslu á milli sviða. Vísunin er í sjón-
varpsdagskrá í blöðum þar sem endurtekið efni er merkt með „(e)“.
Svipaða færslu má finna í annarri ljóðabók frá 2004, en um miðbik
hennar (bls. 20–21) kemur opna sem er auð, að undanskildum
orðunum: „Hlé / Æska allra fimmtudaga.“ Með auðum síðum reynir
höfundurinn þannig að mynda tengsl við stillimyndina sem var eina
sjónvarpsefni þjóðarinnar á fimmtudögum um áraraðir. Miðlarnir
tveir eru látnir kallast á; ljóðabókin öðlast einkenni sjónvarps.
Bókin er Ofurmennisþrá. Höfundurinn er Valur Brynjar Antonsson.
Ofurmennisþrá er hans fyrsta verk, gefin út af Nýhil seint í fyrrahaust.
Í fréttatilkynningu var bókin sögð fjalla um „síðasta tabú okkar tíma:
Ofurmennisþrá“.14 Hljómar klént í fyrstu, dálítil Nietzsche-lykt af
titlinum, en við nánari athugun kemur í ljós að hér er nokkuð burð-
ugt verk. Í samhengi bókarinnar virðist ofurmennishugtakið að ein-
hverju leyti samtvinnað skáldahugtakinu, en kannski fylgir orðinu
„ofurmenni“ nokkur kaldhæðni. Í ljóðinu „27 skáld“ ávarpar ljóðmæl-
andinn skáld sem er upp á kant við aðra menn en stendur þeim samt
framar í einhverjum skilningi:
13 Hér er vísað til viðtals sem Haukur Ingvarsson átti við Óttarr í útvarpsþættinum
Víðsjá 20. júní 2005.
14 www.nyhil.org