Jón á Bægisá - 01.10.2009, Qupperneq 87

Draumur d Jónsmessunótt
drottning vildi fara í leikhús þá gaf hann meðmæli með verkum. Svo virð-
ist sem Shakespeare hafi notað Fílóstratus til að skopast að þessu hlutverki
veislumeistarans.
Óberon konungur álfa og Títanía drottning hans verða örlagavaldar í
lífi elskendanna fjögurra. Nafn Óberons er dregið af þjóðsagnapersónunni
Alberich, galdramanni í þjóðsögunni um konungsætt Mervíkinga. Nafnið
Óberon kemur fyrst fyrir í bókmenntum í 13. aldar sögunni Les Prouesses et
faitz du noble Huon de Bordeaux. í sögunni er Huon sonur Seguins hertoga
af Bordeaux í leiðangri um skóga þar sem hann býr. Hann vinnur hylli
Óberons álfs og nýtur því hjálpar hans.1 2 Títanía er nafn úr sögu rómverska
ljóðskáldsins Óvíðs (lat. Publius Ovidius Naso, 43 f.Kr.—17 e.Kr.) úr verkinu
Ummyndanir (e. Metamorphoses).1 Hlutverk þeirra í verkinu er veigamikið
eins og síðar verður vikið að. Þegar þau deila hvort við annað verður orkan
af orðaskaki þeirra svo mikil að hún hefur áhrif á veðrið. Títanía er enn
eitt dæmi um sterka kvenpersónu í verkinu sem ekki lætur hlut sinn fyrir
eiginmanninum. Hann verður því að beita göldrum til að ná fram vilja
sínum.
Bokki álfur eða Hrói heillakarl (e. Puck — Robin Goodfelloio) er líklega
dularfyllsta persóna leikritsins og sú sem í raun kemur allri þeirri ringulreið
af stað sem við upplifum í leikritinu. Nafnið Puck er að finna í enskri
goðafræði. Hann er tryggur þjónn Óberons álfakonungs en þar fyrir utan
er hann hrekkjóttur þótt ekki sé hann óskeikull og klúðrar illa fyrirmælum
húsbónda síns er hann lætur töfravökva drjúpa í augnlok Lísanders í stað
Demetríusar og átti að hafa þann tilgang að vekja ást á Helenu. Bokki
beitir þeim hrekk að setja asnahöfuð á Spóla vefara sem leiðir til ástar Tít-
aníu á vefaranum, þrátt fyrir fáránlegt útlit hans vegna eiginleika vökvans
að vekja ástir á þeim fyrsta sem fyrir augu ber, þegar sá vaknar sem hefur
vökvann á augnlokum sér. Bokka er oft eignað aðalhlutverk verksins, m.a.
vegna þess að það kemur í hans hlut að ávarpa áhorfendur að lokum og
biðja þá velvirðingar á því sem miður hefur farið, en gera sér ljóst að þeir
hafi verið á sameiginlegri ferð um heima draumanna.
Handverksmennirnir fimm eru sameiginleg birtingarmynd þess að
djúp er staðfest milli þeirra og aðalsfólksins sem þeir bera óttablandna
virðingu fyrir. Þeir reyna að afla sér fjár og ef til vill virðingar með því
að setja upp leikverk sem sýna á í brúðkaupi Þeseifs og Hippólítu. Lfpp-
færslan verður hið mesta klúður og vekur hlátur áhorfenda, en eigi að síður
er efniviður þess merkilegur. Hann fjallar um unga elskendur í Babýlon
1 http://en.wikipedia.org/wiki/Oberon_(Fairy_King)
2 http://en.wikipedia.org/wiki/Titania_(Fairy_Queen)
á U8ay/oá — af og frá, ég kann ekki nokkurt erlent tungumál 85