Þjóðmál - 01.12.2009, Qupperneq 37

Þjóðmál vetur 2009 35
um 64,6 milljarða án skattahækkana . Stjórn
SUS telur að vel sé hægt að spara í rekstri
ríkisins þannig að mögulegt verði að ná fram
raunhæfum fjárlögum án skattahækkana og
án þess að það komi verulega niður á vel­
ferðar­, heilbrigðis­ eða menntakerfinu .
Sem formaður SUS er ég ákaflega stoltur af
þeirri skýrslu sem stjórnin sendi frá sér . Um
leið og fjárlögin voru kynnt tók sérstakur
fjár lagahópur innan SUS til starfa og hóf
undir búning að þeirri skýrslu sem nú liggur
fyrir . Það þarf enginn að segja ungum sjálf­
stæðis mönnum að ekki sé hægt að auka
niðurskurð á sama tíma og enn er verið að
byggja tónlistarhús, fjölga ríkisstarfsmönnum
og ríkisstofnunum . Aukinn niðurskurður er
alltaf betri en skattahækkanir enda hafa heim­
ili og fyrirtæki ekki svigrúm til aukinna skatt­
greiðslna .
Raunsæi haft að leiðarljósi
A ð sjálfsögðu eru tillögur SUS róttækar, enda láta ungir sjálfstæðismenn ekki
þekkja sig á öðru . Þrátt fyrir róttækar hug­
myndir eru þær framkvæmanlegar og sem
fyrr segir er hægt að skera töluvert niður án
þess að það bitni verulega á velferðar­, heil­
brigðis­ og menntamálum . Nú skal auðvitað
ekki loku fyrir það skotið að á þessum þremur
sviðum megi hagræða enn frekar án þess að
það bitni á þeim sem þjónustunnar njóta .
SUS mun innan tíðar kynna frekari tilögur að
hagræðingu í fyrrgreindum málaflokkum .
Ef valin eru dæmi af handahófi þar sem
raunsæi ber langanir til niðurskurðar ofurliði
í tillögum SUS má nefna embætti forseta
Íslands, niðurgreiðslur vegna landbúnaðar­
fram leiðslu og greiðslur til Þjóðkirkjunnar .
Ungir sjálf stæðis menn hafa margoft lagt það
til að embætti forseta Íslands verði lagt niður
en ljóst er að það gerist ekki fyrir næsta ár . Því
er „aðeins“ lögð fram hagræðingarkrafa líkt
og á öðrum liðum .
Hvað varðar sauðfjár­, mjólkur­ og græn­
metisframleiðslu telur SUS að stefna beri að
því að afnema ríkisstyrki til slíkrar framleiðslu
með öllu, enda á hið opinbera ekki að styrkja
neina atvinnugrein umfram aðra . Þó verður
ekki horft framhjá því að bændur starfa í dag
eftir kerfi sem ríkið hefur skapað þeim og því
kerfi verður ekki velt úr sessi á einni nóttu –
þó hiklaust eigi að stefna að því hið fyrsta .
Því er farið hægar fram í niðurskurðartillögur
gagnvart bændum en ætla hefði mátt frá SUS .
Þegar loks er litið til þjóðkirkjunnar þá er
ljóst að mikið uppgjör þarf að fara fram áður
en ríki og kirkja verða aðskilin . Það mun ekki
gerast fyrir næsta ár en að sjálfsögðu ber að
stefna að því .
Óþarfa stofnanir leynast víða
En þá að eftirtektarverðum niður skurðar­tillögum . Sem dæmi má nefna að SUS
telur að hið opinbera eigi að láta af öll­
um styrkjum til Þjóðleikhússins, Sinfóníu­
hljóm sveitarinnar, Íslenska dansflokksins og
annarra skyldra málaflokka . Burtséð frá því
hvort leggja bera þessar stofnanir niður eða
ekki er rétt að þær lifi ekki á herðum skatt­
greiðenda, í það minnsta mætti breyta þeim
í sjálfseignarstofnanir þar sem tekjur þurfa
að duga fyrir rekstri . Að baki þessari skoðun
liggur einföld ástæða, einstaklingurinn á að
velja sér menningarafþreyingu sjálfur og án
afskipta hins opinbera . Hið opinbera hefur
engar forsendur til að meta, eða mismuna,
einum menningarhópi umfram annan líkt og
nú er gert .
Eins leggur SUS til 30% hagræðingar kröfu
á rekstur sendiráða og að Varnarmála stofn un,
Hafrannsóknastofnun, Neytendastofa, Um­
ferð arráð og Lýðheilsustöð verði allar lagð ar
niður . Engin ástæða er til að ríkið reki fyrr­
nefndar stofnanir enda einkaaðilar fullfærir
um það . Sem dæmi má nefna að neytendur
þurfa ekki ríkisstofnun til að athuga fyrir sig
verðmerkingar í verslunum (neytendastofu),
það þarf ekki ríkisstofnun til að leggja ein­