Þjóðmál - 01.12.2009, Page 84

82 Þjóðmál vetur 2009
með valdi, ef það tilheyrði röngu hverfi .
Enn þann dag í dag litar aðskilnaðarstefnan
pólitískt landslag í Suður­Afríku . Leikstjórinn
Blomkamp er sjálfur frá Suður­Afríku og ólst
upp á þeim tíma þegar aðskilnaðarstefnan
var að líða undir lok og varð hann því vitni
að þessari ógeðfelldu stefnu í framkvæmd .
Honum er málið mjög hugleikið og í raun
kom aldrei til greina að láta myndina gerast
annars staðar en í Jóhannesarborg . Þá vísar
titill myndarinnar í atburði sem áttu sér stað
í District 6 á tímum aðskilnaðarstefnunnar í
Jóhannesarborg þar sem 60 þúsund manns
voru flutt nauðug á brott árið 1968 og yfir­
völd lýstu svæðið svæði hvítra manna . District
9 er án efa með betri myndum sést hefur
í kvikmynda húsum það sem af er af þessu
ári . Þetta er mynd sem hefur allt – hug­
myndafræði, hasar og húmor .
1984 ****
Stjórnmálamenn virðast sífellt fá nýjar hug myndir sem miða í þá átt að búa til
hið „fullkomna“ eftirlitssamfélag . Nú síðast
bárust fréttir frá Bretlandi þar sem stefnt mun
að því að geyma hvert einasta símtal, SMS­
skilaboð, tölvupóst og vefsíðuheimsóknir
Breta í eitt ár . Hátt í 700 opinberir aðilar fá að
gramsa í þeim mikla gagnagrunni án heimildar
dómara . Fréttir sem þessar sýna glögglega hvað
frelsi fólks er í raun vandmeðfarið og brothætt .
Allt er gert með góðum ásetningi en útkoman
verður oftar en ekki eitthvað allt annað .
Kvikmyndin 1984 eftir sögu George Orwells
er ógleymanleg mynd sem lýsir hörmulegu
eftirlitssamfélagi . Í 1984 er fólki bannað að
vera ástfangið því slík tilfinningasemi ógnar
stöðu ríkisvaldsins og fólk er parað saman út
frá kaldri lógík . Það er óhætt að mæla með
bæði bókinni Nítján hundruð áttatíu og fjögur
og kvikmyndinni með hinum geðþekka John
Hurt í aðalhlutverki auk gæðaleikara á borð við
Richard Burton . Hættan er ekki liðin hjá þó
svo að árið 1984 sé liðið og það er sorglegt að
árið 2009 búi fólk við aðstæður sem lætur vís­
indaskáldsögu frá árinu 1949 hljóma eins og
sögu af næsta bæ . Aðdáendum Nítján hundruð
áttatíu og fjögur, sem áhuga hafa á að lesa fleiri
bækur af svipuðum toga, er jafnframt bent á
sígilda bók eftir Yevgeny Zamyatin, We, sem
upphaflega kom út árið 1924 .
NÁNARI UMFJÖLLUN UM ÞESSAR OG FLEIRI
MYNDIR MÁ SJÁ Á KVIKMYNDAVEFNUM
KVIKMYNDIR.COM (WWW.KVIKMYNDIR.COM),
ÞAR SEM NýIR DÓMAR BIRTAST VIKULEGA.
Breski leikarinn
John Hurt í
hlutverki sínu í
kvikmyndinni 1984
sem gerð
var eftir hinni frægu
skáldsögu
George Orwell,
Nítján hundruð
áttatíu og fjögur .