Tímarit Máls og menningar - 01.10.2016, Blaðsíða 18
18 TMM 2016 · 3
Kristín Ómarsdóttir
Ég verð alltaf svo hissa á að
mannkynið getið komið sér
saman um eina skoðun
Viðtal við Sigurbjörgu Þrastardóttur
Ef myndum í ljóðum Sigurbjargar Þrastardóttur yrði safnað eins og orðum
í bókina: Myndmál Sigurbjargar, myndi safnið sprengja kjölinn utan af sér,
angar af öngum vaxa til hliðar, upp, niður, líkt og margvíðar greinar trés.
Orð flýja net og skilgreiningar, þau vefa net og mynda skilgreiningar, orðið
er frjálst og mannlega breyskt, svo auðvelt að misnota þau, kaupa, selja,
útjaska, nota í áróðursskyni, upphefja þau, súblímera merkinguna og gjald-
fella; og erfitt að horfast í augu við merkingu þeirra (á jafningjagrundvelli).
Sigurbjörg nálgast tungumálið úr óvenjulegri átt – lík skyttu – og ljóðin, sem
eru fáguð, hafa dulmagnaðan sprengikraft. Hún ber virðingu fyrir orðunum
á litaspjaldinu. Um leið og ég les bækur hennar og annarra skálda á Íslandi
fagna ég aðstöðunni sem rithöfundum á landinu hefur verið gefin til að mega
dafna og gefa út, þökk sé úthaldinu, Launasjóði rithöfunda, útgefendum og
lesendum. Við Sigurbjörg hittumst á kaffihúsi að vorlagi. Þjóðfélagið logar
af skoðunum, á leiðinni í sumarfrí. Á næsta borði sitja stúlkur og piltur og
ræða kappsamlega hlutverk listamanna.
Skáldskapur Sigurbjargar spannar sjö ljóðabækur, tvær skáldsögur, fimm
leikrit og smásagnasafn er þetta er ritað. Og nú í haust eru að koma út eftir
hana örsögur. Hún hefur hlotið tilnefningar og verðlaun, ljóðabálkurinn
Blysfarir var tilnefndur til Bókmenntaverðlauna Norðurlandaráðs, skáld-
sagan Sólar saga hlaut bókmenntaverðlaun Tómasar Guðmundssonar.
Ljóðin eru þýdd og hafa birst á mörgum tungumálum, bækurnar komið út í
Svíþjóð og Þýskalandi. Hún er víðförull og reglulegur gestur á alþjóðlegum
ljóðahátíðum. Hún hefur starfað við blaðamennsku og margs konar texta-
gerð. Þá vann hún eitt sinn sem flugliði.
***
Takk fyrir að koma í viðtal við mig fyrir Tímarit Máls og menningar. Sigur-
björg, viltu segja mér hvar þú ert fædd og hvenær, hvað heitir mamma þín,