Tímarit Máls og menningar - 01.10.2016, Blaðsíða 26
K r i s t í n Ó m a r s d ó t t i r
26 TMM 2016 · 3
hest myndi hún skíra hann Sjaldan afþví henni þykir orðið svo fallegt. Ég
skal alveg gefa þér nokkur frá sjálfri mér: táradalur, til dæmis, sorg, tromp,
hindberjasótt, flói, kaðall, fagott …
Hvaða orð er ekki í uppáhaldi hjá þér?
Já, það er líka slatti af orðum, bara erfiðara að muna eftir þeim. Renna
– í merkingunni: kílóin renna af einhverjum; það þykir mér ótrúlega ljótt.
Lúsablesi finnst mér líka asnalegt. Dekur – óþolandi, sérstaklega í aug-
lýsingum, og: dekurdagar – úff – morbid bara. Svo fer í taugarnar á mér þegar
verið er að klippa aftan af, eins og: þátturinn er í beinni – og sleppa orðinu:
útsendingu. Þetta er svona plebbaslangur. Eins: taka á því – í ræktinni –
búinn á því – ég veit ekki hvað þetta því er: flatt mál? Slangur er skemmti-
legt og um að gera að nota skapandi slettur, en það veður uppi eins konar
lufsumál sem meðal annars felst í hræðslu við sagnbeygingar og dregur
kryddið úr málinu. Svo kemst þetta orðalag í tísku og fyrr en varir eru ráð-
herrarnir farnir að nota það líka – það er fljótt breiðast út og smitast. Og
hvernig er komið fyrir viðtengingarhættinum? Púff.
Hm, já einmitt. Hvað gerir þig glaða?
Að vera inni í texta.
Hvað gerir þig dapra?
Að vita af öðrum sem líður illa eða verða fyrir áfalli. Betra að það komi
fyrir mann sjálfan, miklu erfiðara að horfa upp á það hjá öðrum.
Af hvernig hljóðum hrífstu?
Það er ákveðinn tónn í músík, get ekki alveg útskýrt, sem er þarna bara og
ég þekki hann þegar ég heyri hann og þá get ég bara klökknað. Ég heyri hann
í mörgum tegundum tónlistar, þetta er tregaþráður.
Og hvaða hljóð þolirðu ekki?
Glamur.
Við hvaða annað starf myndirðu kjósa að vinna við?
Ég ber mikla virðingu fyrir unnum útvarpsþáttum. Svo væri ég til í að
vera töskuberi í ferðum um landið, þá þarf ég ekki að masa á meðan, get bara
verið að labba með hinum úti í náttúrunni.
Og alls ekki vilja vinna við?
Skurðlæknir. Myndi vera hrædd um að tengja ekki rétt.
Hvað meturðu mest í fari manneskju?
Innileika.