Gríma - 01.09.1948, Blaðsíða 64

62 ÞJÓÐSÖGUR [Gríma
þetta.“ Fellst frúin á þetta, en segir þó, að gagn sé, að
hann haldi leyndri orsökinni til þess, að því sé skammt-
að kjötið. Lofar ráðsmaðurinn fullri þagmælsku. Fór
hann síðan til vinnufólksins, þar sem það var við vinnu
sína, og sagði því, að það myndi fá kjöt fyrst um sinn,
en lagði ríkt á við það að þegja um samninga sína og
þess. Fékk vinnufólkið nóg að borða af kjöti um vorið,
enda greiddi það ráðsmanninum skilvíslega það, sem
um hafði verið samið.
f. „Kannske and. nautið ætli að bjóða sig
fram til þings“.
[Skrifað eftir sögn Sigurðar Pálssonar menntaskólakennara,
5. sept. 1947. Þorsteinn M. Jónsson.]
Einu sinni ekki alls fyrir löngu var nafnkunnur
stjórnmálamaður á framboðsferð sem oftar í Stranda-
sýslu. Kom hann seint að kveldi á bæ einn afskekktan
og baðst gistingar. Heimilaði bóndi honum gistingu og
fylgdi honum til baðstofu. Var þar fyrir dóttir bónda
gjafvaxta, og fær frambjóðandinn að vita, að ekki væri
fleira fólk í heimilinu. Tvö rúm voru og í baðstofunni.
Er frambjóðandanum veittur góður beini, en þegar
háttatími er kominn, segir bóndi, að eins og hann sjái,
þá séu nú aðeins tvö rúm í baðstofunni, rúmið sitt og
rúmið hennar dóttur sinnar. Hann ætli að biðja fram-
bjóðandann að gera sér það að góðu að sofa í rúminu
sínu, en sjálfur kvaðst hann ætla að búa um sig úti í
fjósi. Frambjóðandinn færðist undan að taka boði
bónda; sagðist hann vera, eins og bóndi vissi, í fram-
boðsferð, en margar væru skæðar tungur, er myndu fús-
ar að útbreiða sögu um það, að hann hefði sofið heila
nótt með bóndadóttur einni í baðstofu, en hann vildi