Gríma - 01.09.1948, Blaðsíða 49

Gríma] SAGNIR UM JÓN HALLDÓRSSON 47
komið fyrir, að sig hefði vantað viðbit. Ef svo bar við,
að þau hjón voru mjólkurlaus og gátu eigi keypt smjör,
þá barst jafnan að einhver björg úr sjó, svo sem selur,
hnísa eða lúða, er bætti úr brýnustu feitmetisþörf
heimilisins.
11. Spáð fyrir dreng og kálíi.
Eitt sinn kom Jón á Syðra-Hvarfi að bæ þeim, er
Skeggsstaðir heitir. Sá bær er allmiklu neðar en Syðra-
Hvarf. Bóndinn á Skeggsstöðum, Þorlákur að nafni,
bauð Jóni til baðstofu. Sá hann þá á gólfinu dreng-
hnokka lítinn, er lék sér við kálf.
Spurði þá Þorlákur, hversu Jóni litist á kálfinn.
Hann svaraði: ,,Þetta verður lánsskepna og góð kýr.“
Svo bætti hann við: „Og drengurinn þarna, hann verð-
ur lánsmaður.“ Þetta þótti ganga eftir. Piltur þessi
fluttist síðar til Skagafjarðar, og eru sannar fregnir af
því, að hann hafi orðið gæfumaður. Um kúna er einnig
sagt, að hún hafi orðið kostaskepna.
12. Spá um prestskonuna á Tjörn.
Um það bil, er Jón á Syðra-Hvarfi var miðaldra
maður, fluttist séra Jón Thorarensen að Tjörn í Svarf-
aðardal. Kona hans hét Guðrún og var frá Bólstaðar-
hlíð í Húnavatnssýslu. Þótti hún nokkuð blendin í
lund og skapmikil. Heyrði Jón á Syðra-Hvarfi talað um
þetta og fýsti að sjá konu þessa. Gerði hann sér ferð
heim að Tjörn, er hann átti leið fram hjá. Hann gerði
boð fyrir Guðrúnu, og þegar hún kom til dyra, sagði
hann: „Lengi hefur mig langað til þess að sjá yður.“
„Hvernig lízt yður þá á mig?“ segir hún. „Ula lízt mér
á yður,“ svarar Jón. Hún segir: „Hvað svo sem sjáið