Saga - 2017, Qupperneq 29

hús býlisins Arnarhóls sem talið er hafa verið reist á níundu öld. Við
frekari vinnslu tillögunnar var fullt tillit tekið til minjanna sem
fundist höfðu og tryggt var að Arnarhólströðum, sem mótaði fyrir,
yrði ekki raskað. Í endanlegri útfærslu var þannig gengið frá að
traðirnar sjást greinilega, til mikillar ánægju fyrir þá sem taka eftir.
Arnarhólstraðir er gamla þjóðleiðin að ofan til Reykjavíkur og
mótar vel fyrir þeim á Arnarhóli. Leiðin lá frá Arnarhólsholti, sem
síðar nefndist Skólavörðuholt, að vaðinu þar sem var ós Arnarhóls -
lækjar og þaðan áfram til vesturs eftir fjörukambinum þar sem
Hafnarstræti er nú.22 Traðanna var hvergi getið í samkeppnislýsingu
eða öðrum gögnum samkeppninnar.
Í deiliskipulagi fyrir Austurhöfn, svokallað Hafnartorg, láðist að
taka tillit til minja sem þar voru. Þegar hafist var handa við að grafa
fyrir byggingum árið 2015 komu hafnargarðarnir tveir í ljós. Þarna
var hlaðinn fallegur garður á árunum 1913–1917 og 1928 var hlaðinn
annar garður framar og Tryggvagata breikkuð.23 Þegar grafa átti
fyrir nýbyggingunum komu þessir haganlega hlöðnu hafnargarðar
í ljós og þótt margir hafi vitað af tilvist þeirra, og munað þá, virtust
þeir koma öðrum á óvart. Skipulagshöfundar virðast t.d. ekki hafa
álitamál28
Mynd 1. Reykjavík árið 1787. Hluti korts sem Rasmus Lievog gerði af
Reykja vík og nágrenni. Býlið Arnarhóll til hægri. Heimild islandskort.is
22 Upplýsingar fengnar af upplýsingaskiltum sem nú standa þar sem traðirnar
voru.
23 Sjá t.d. Vef. „Gamla höfnin grafin upp“, RUV 21. júní 2015, http://www.ruv.is/
sarpurinn/klippa/gamla-hofnin-grafin-upp, skoðað 4. sept. 2017. Einnig Vef.
„Hafnargarðurinn: Um hvað var deilt“, Vísir 11. nóv. 2015, http://www.visir.is
/g/2015151119741, skoðað 4. sept. 2017.
Saga haust 2017 _11_(13.11.).qxp_Saga haust 2004 - NOTA 25.10.2017 12:53 Page 28