Saga - 2017, Side 201

kálið. Frumvarpið vék í veigamiklum atriðum frá upphaflegu til -
boði Schierbecks og gerði hann alvarlegar athugasemdir við það í
bréfi til Íslandsráðuneytisins 10. mars 1902. Schierbeck fékk ekki
svar frá embættismönnum ráðuneytisins og beið frumvarpið stað -
festingar konungs.51 Um mitt sumarið 1902 taldi Schierbeck sig hafa
beðið nógu lengi. Þann 3. júlí fór hann með skipinu Ceres til Parísar
og afhenti Oddi Gíslasyni málflutningsmanni umboð til að inn-
heimta útistandandi reikninga fyrir læknisverk.52 Schierbeck hafði
nefnt í upphaflegum tillögum að spítalinn ætti að hýsa 14–16 sjúk-
linga en ekki minnst 16 sjúklinga, eins og sagði í frumvarpinu, og
gerði hann ráð fyrir að þurfa meira en 10 þúsund kr. í rekstrar-
kostnað á ári. Í bréfinu lýsti hann líka óánægju með starfshætti fjár-
laganefndar og sagði það vafasamt að senda frumvarpið til yfir -
valda án vandlegrar yfirlegu þingmanna og án þess að bera breyt-
ingarnar undir sig. Hann sagði fjárlaganefnd Alþingis hafa sýnt
tilboðinu lítinn áhuga. Hann hefði sent tilboðið frá sér á fyrstu dög-
um þingsins sumarið 1901 en það ekki hlotið afgreiðslu fyrr en á
seinustu dögum þess, en það leiddi til þess að ekki væri hægt að
opna spítalann árið 1902 eins og upphaflegu tillögurnar hefðu gert
ráð fyrir.53 Það er greinilegt að málið var viðkvæmt. Valtýr Guð -
mundsson gagnrýndi hugmyndir Schierbecks á Alþingi. Hann taldi
tilboðið frá 12. júlí óskýrt og erfitt að meta árskostnaðinn; það væri
bagalegt því Schierbeck gerði ráð fyrir að landssjóður greiddi kostn -
að inn við rekstur stofnunarinnar og aftur yrði hluti þess fjár sem
einstaklingar eða hreppar greiddu með sjúklingum endurgreiddur
af landssjóði. Fjárlaganefndin tók ekki ákvörðun um það hvort
rekstrarfénu væri einnig ætlað að standa straum af viðhaldskostnaði
einkahíbýla Schierbecks.54
Hvað sem þessum ágreiningi leið var ákveðinn samhljómur með
deilendum. Það er greinilegt af tillögum Christians Schierbeck og
sigurgeir guðjónsson200
51 Þjóðólfur 27. júní 1902, bls. 101−102.
52 Þjóðólfur 11. júlí 1902, bls. 112. Í París ætlaði hann að stunda framhaldsnám í
læknisfræði næstu mánuðina. Gunnlagur Haraldsson, Læknar á Íslandi I
(Reykja vík: Þjóðsaga 2000), bls. 268.
53 ÞÍ. Íslenska stjórnardeildin XIX. 32. Journal 19, nr. 885. Bréf frá Christian
Schierbeck til Íslandsráðuneytisins, dagsett 10. mars 1902. Hér má einnig vísa
í umfjöllun um frumvarpið í Þjóðólfi. Þar lýsti Schierbeck yfir óánægju með
störf fjárlaganefndar Alþingis. Þjóðólfur 27. júní 1902, bls. 101−102.
54 Alþingistíðindi 1901 B, d. 879−881.
Saga haust 2017 _11_(13.11.).qxp_Saga haust 2004 - NOTA 25.10.2017 12:54 Page 200